యంగ్ టైగర్ ఎన్టీఆర్’కు 17యేళ్లు.. !!
యంగ్ టైగర్ ఎన్టీఆర్’కు 17యేళ్లు నిండాయి. ఎన్టీఆర్ హీరోగా ఇండస్ట్రీలో అడుగుపెట్టి నేటికి సరిగ్గా 17యేళ్లు అవుతోంది. ‘బ్రహ్మర్షి విశ్వామిత్ర’ సినిమాతో బాలనటుడిగా తారక్ తెలుగుకు పరిచయమయ్యాడు. ఆ తర్వాత ‘బాలరామాయణం’ సినిమాలో రాముడిగా నటించి మెప్పించారు.
2001లో ‘నిన్ను చూడాలని’ సినిమాతో హీరోగా ఎంట్రీ ఇచ్చాడు. రాజమౌళి డైరెక్షన్‌’లో “స్టూడెంట్ నం.1” సినిమాతో తొలి విజయాన్ని అందుకొన్నాడు. ఆది, సింహాద్రి సినిమాలతో తనలోని మాస్ పవర్ చూపించాడు. ఆ తర్వాత తారక్ తనలోని అన్నీ యాంగిల్స్’ని ప్రేక్షకులకు రుచి చూయించారు. ఆ రుచి తెలుగు ప్రేక్షకులకి పిచ్చి పిచ్చిగా నచ్చేసింది. చిన్న వయసులోనే స్టార్ హీరోని చేసేశారు. ఏకంగా టాలీవుడ్ నెం.1 హీరో రేంజ్ కి తీసుకెళ్లారు.
ఇప్పుడు తారక్ రేంజ్ గురించి తెలిసిందే. ప్రేక్షకుల గుండెల్లో ఆయనకి గుడి కట్టారు. వెండితెర, బుల్లితెర అంటూ తేడానే లేదు. ప్రేక్షకులని అలరించడమే లక్ష్యంగా పెట్టుకొన్న యంగ్ టైగర్ లో అందులో సక్సెస్ అవుతున్నారు. టెంపర్, నాన్నకు ప్రేమతో, జనతా గ్యారేజ్, జై లవ కుశ సినిమాలతో వరుస హిట్స్ కొడుతున్న తారక్.. తనతదుపరి సినిమాని త్రివిక్రమ్ శ్రీనివాస్ దర్శకత్వంలో తెరకెక్కనుంది.
