టాలీవుడ్ తరలింపు’కు పవన్ సపోర్ట్ ?
తెలుగు చిత్ర పరిశ్రమ తరలింపు విషయంలో ఏపీ ప్రభుత్వం సమాలోచనలు చేస్తోన్న సంగతి తెలిసిందే. ఇటీవలే సినీ పెద్దలతో సీఎం చంద్రబాబు సమావేశమై ఏపీలో తెలుగు చిత్ర పరిశ్రమ అభివృద్ధిపై సుదీర్ఘంగా చర్చించినట్టు వార్తలొచ్చాయి. ఇండస్ట్రీలోని అధికులు ఏపీకి తరలివచ్చేందుకు రెడీగా ఉన్నామని చెబుతున్నారు. ఈ నేపథ్యంలోనే తెలుగు చిత్ర పరిశ్రమని విజయవాడ లేదా వైజాగ్ లో అభివృద్ధి చేసేందుకు ప్లాన్ చేస్తున్నట్టు చంద్రబాబు చెప్పినట్టు తెలుస్తోంది. ఇప్పటికే విజవాడ, వైజాగ్ లలో ఫిల్మ్ స్టూడియోలు ఏర్పాటు చేసేందుకు చాలామంది ముందుకు వస్తున్నారని స్వయంగా బాబునే తెలిపారు.
టాలీవుడ్ తరలింపు విషయంలో పవర్ స్టార్ పవన్ కళ్యాణ్ సపోర్ట్ చేస్తున్నట్టు కనబడుతోంది. ఆయన తాజా చిత్రం ‘అజ్ఝాతవాసి’ ఆడియో వేడుకని అమరావతిలో నిర్వహించేందుకు రెడీ కావడంతో.. ఈ ప్రచారం మొదలయ్యింది. దర్శకుడు త్రివిక్రమ్, నిర్మాత రాథాకృష్ణ ‘అజ్ఝాతవాసి’ ఆడియో వేడుకని అమరావతిలో నిర్వహిద్దామని ప్రపోజల్ పెట్టడం.. దానికి పవన్ గ్రీన్ సిగ్నల్ ఇచ్చేయడం జరిగిపోయాయని చెప్పుకొంటున్నారు. వచ్చే ఎన్నికల్లో పవన్ జనసేన ఏపీలో పోటీ చేయనుంది. దీంతో.. పవన్ ఎక్కువ సమయం అక్కడే గడపాల్సిన పరిస్థితి. ఈ నేపథ్యంలో టాలీవుడ్ ని అక్కడికి తరలింపు చేసేందుకు ఏపీ ప్రభుత్వానికి పవన్ సపోర్ట్ చేస్తున్నట్టు కనబడుతోంది.
