వైరల్ : నమిత మెహందీ ఫంక్షన్‌ ఫోటోలు
బొద్దుగుమ్మ నమిత పెళ్లి సందడి మొదలయ్యింది. నమిత తన ప్రియుడు వీరేంద్ర చౌదరిని పెళ్లి చేసుకోబోతున్న సంగతి తెలిసిందే. నవంబరు 24న తిరుపతిలో వీరి పెళ్లి జరగనుంది. పెళ్లికి ముందు మెహందీ ఫంక్షన్‌ను ఏర్పాటు చేశారు. ఇందులో భాగంగా నమిత తన చేతులకు మెహందీ పెట్టించుకుంటుండగా తీసిన ఫొటోలు ప్రస్తుతం సోషల్‌ మీడియాలో వైరల్ అయ్యాయి. కుటుంబ సభ్యులు సందడిగా డ్యాన్స్‌ చేసిన వీడియో కూడా బయటికి వచ్చింది.
24న తిరుపతిలో జరగనున్న నమిత పెళ్లి వేడుకకు టాలీవుడ్ సినీ ప్రముఖులు హాజరుకానున్నారు. నటసింహం బాలకృష్ణ నమిత పెళ్లిని దగ్గరుండి జరిపించబోతున్నట్టు చెబుతున్నారు. నమిత బాలకృష్ణ ‘సింహా’, వెంకీ ‘జెమిని’ సినిమాలో హీరోయిన్ గా నటించిన విషయం తెలిసిందే. తెలుగులో ఆమె తొలి చిత్రం ‘సొంతం’.
