సునీల్’కు పవన్ సపోర్ట్

హీరోగా మారిన కమెడియన్ సునీల్.. ఓ హిట్టు కోసం ప్రయత్నాలు చేస్తూనే ఉన్నాడు. సునీల్ చేస్తోన్న మరో ప్రయత్నమే “2 కంట్రీస్‌” సినిమా. ఎన్‌.శంక‌ర్ స్వీయ నిర్మాణంలో తెరకెక్కుతోన్న చిత్రమిది. ఈ చిత్ర టీజ‌ర్‌ను ప‌వ‌ర్‌ స్టార్ ప‌వ‌న్‌ క‌ళ్యాణ్ ఆవిష్క‌రించారు. ఈ సంద‌ర్భంగా పవన్ కళ్యాణ్ మాట్లాడుతూ.. 2 కంట్రీస్ టీజ‌ర్‌ను నా చేతుల మీదుగా లాంచ్ చేయ‌టం ఆనందంగా ఉందని అన్నారు.

‘టీజ‌ర్ మ‌ళ్లీ మ‌ళ్లీ చూడాలనిపించేలా చాలా ఇంట్రెస్టింగ్‌గా ఉంది. టీజ‌ర్‌లాగానే సినిమా ఉంటుంద‌ని ఆశిస్తూ.. చిత్ర‌ యూనిట్‌కు అభినంద‌న‌లు తెలియ‌జేస్తున్నాను. ఈ సినిమా మంచి విజ‌యం సాధించాలి. నేను ఆద‌రించిన‌ట్టే ప్రేక్ష‌కులంద‌రూ ఆద‌రించాల‌ని కోరుకుంటున్నాను..జై హింద్‌’ అని చిత్ర యూనిట్’కు ఆల్ ది బెస్ట్ చెప్పారు పవర్ స్టార్.

పవన్ సపోర్టుతో సునీల్ సక్సెస్ ట్రాక్ లోకి అడుగుపెట్టడం ఖాయమంటున్నారు. గతంలో ప్లాపుల్లో ఉన్న నితిన్ పవన్ సపోర్ట్ తో సక్సెస్ ట్రాక్ లోకి అడుగుపెట్టిన సంగతి తెలిసిందే. ఇప్పుడు సునీల్ కూడా పవన్ సపోర్టుతో ఓ విజయాన్ని అందుకుంటాడేమో చూడాలి.