పవన్ ‘అజ్ఝాతవాసి’ ఫస్ట్’లుక్.. అదిరింది !
మెగా అభిమానులు పండగ చేసుకొనే రోజు వచ్చేసింది. పవన్ సినిమా ఫస్ట్ లుక్ వచ్చేసింది. ముందుగా ప్రకటించినట్టుగానే త్రివిక్రమ్ దర్శకత్వంలో తెరకెక్కుతోన్న పవన్ కళ్యాణ్ 25వ సినిమా టైటిల్, ఫస్ట్ లుక్’ని చిత్రబృందం సోమవారం రిలీజ్ చేసింది. కొన్నాళ్లుగా ప్రచారం జరుగుతున్న ‘అజ్ఝాతవాసి’ టైటిల్ నే ఫైనల్ చేసేశారు. “క్లాస్ లుక్ లో ఉన్న పవన్.. చేతితో ఐడెంటిటీ కార్డుని తిప్పితూ.. తీక్షణంగా చూస్తున్న లుక్ ని ఫస్ట్ లుక్ గా వదిలారు. పవన్ లుక్, పోస్టర్ డిజైన్ అదిరిపోయింది.
ఈ సినిమాలో పవన్ సాఫ్ట్ వేర్ ఇంజనీరుగా కనిపించబోతున్నట్టు ప్రచారం జరిగింది. ఇప్పుడు ఫస్ట్ లుక్ పోస్టర్ ని చూస్తే అది నిజమే అనిపిస్తోంది. కార్పోరేట్ ఆఫీసులో కూర్చొన్న పవన్ లుక్ ని ‘అజ్ఝాతవాసి’ ఫస్ట్ లుక్ గా వదిలనట్టు కనబడుతోంది. ఈ చిత్రంలో పవన్ సరసన కీర్తి సురేష్, అను ఇమ్మాన్యుయేల్‌ లు జతకట్టనున్నారు. ఈ చిత్రానికి సంగీతం అనిరుధ్. రాథాకృష్ణ నిర్మాత. ఈ సినిమాని వచ్చే యేడాది సంక్రాంతి కానుకగా జనవరి 10న ప్రేక్షకుల ముందుకు తీసుకు రానున్నారు.
