పవన్ సీక్రెట్స్’ని బయటపెట్టిన కీర్తి సురేష్

పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ సీక్రెట్స్’ని హీరోయిన్ కీర్తి సురేష్ బయటపెట్టింది. పవన్, త్రివిక్రమ్ లు మంచి స్నేహితులు అన్న సంగతి తెలిసిందే. ఐతే, వీరిద్దరి గురించి ఇప్పటి వరకు ఎవ్వరు కూడా చెప్పని ముచ్చట్లు కీర్తి సురేష్ చెప్పేసింది. పవన్-త్రివిక్రమ్’ల “అజ్ఝాతవాసి” సినిమాలో కీర్తి సురేష్ హీరోయిన్’గా నటిస్తోంది. మరో హీరోయిన్’గా అను ఇమ్మానుయేల్‌ కనిపించనుంది.

ఇటీవలే ఓ ఆంగ్ల పత్రికకు ఇచ్చిన ఇంటర్వ్యూలో.. కీర్తి సురేష్ ‘అజ్ఝాతవాసి’ షూటింగ్ ముచ్చట్లు చెప్పింది. ‘పవన్ చూసేందుకు పైకి నిశ్శబ్దంగా ఉంటారు కానీ, సెట్స్ లో చాలా ఫన్నీగా ఉంటారు. త్రివిక్రమ్‌ డైలాగ్స్‌ లో చమత్కారం ఉంటుంది. తన పాత్రలో అలాంటి చమత్కారంతో కూడిన డైలాగులు బోలేడు ఉన్నాయని చెప్పుకొచ్చింది’. ఇటీవలే ఈ సినిమాకు సంబంధించిన డబ్బింగ్ పార్ట్ ని కూడా కీర్తి సురేష్ పూర్తి చేసింది. ఆ విషయాన్ని సోషల్ మీడియా ద్వారా అభిమానులతో పంచుకొన్న సంగతి తెలిసిందే.

కీర్తి సురేష్ టాలీవుడ్, కోలీవుడ్ లోనూ బిజీ హీరోయిన్ గా కొనసాగుతోంది. ప్రస్తుతం ఆమె చేతిలో అజ్ఝాతవాసి, మహానటి సావిత్రి బయోపిక్, సామి 2, తానా సేంద కూట్టం సినిమాలు ఉన్నాయి.