అల్లు శిరీష్ ‘ఒక్కడు’ అనిపించుకొంటాడట

సూపర్ స్టార్ మహేష్ బాబు కెరీర్’లో ‘ఒక్కడు’ బ్లాక్ బస్టర్ హిట్. గుణశేఖర్ దర్శకత్వంలో వచ్చిన ఈ సినిమా మహేష్ ఆల్ టైం ఫేవరేట్. ఇప్పుడీ సినిమాని అల్లు శిరీష్ కాపీ కొట్టాడంటూ పుకార్లు పుట్టుకొస్తున్నాయి. పీకల్లోతు కష్టాల్లో ఇరుకొన్న ఓ అమ్మాయిని కాపాడే ప్రయత్నంలో అబ్బాయి చేసే సాహాసమే.. మహేష్ ‘ఒక్కడు’ కథ. ఇప్పుడు ఇదే త‌ర‌హా క‌థ‌లో అల్లు శిరీష్ క‌నిపించ‌బోతున్నాడని టాక్.

ఓ పెను ప్ర‌మాదంలో ఇరుకొన్న సుర‌భిని కాపాడ‌డానికి శిరీష్ చేసే ప్ర‌య‌త్న‌మే ‘ఒక్క క్షణం’ సినిమా కథ అంటున్నారు. ఐతే, వీఐ ఆనంద్ స్క్రీన్ ప్లే వినూత్నంగా ఉండ‌బోతోంద‌ట. ఆయన గత సినిమా ‘ఎక్కడికిపోతావు చిన్నివాడా’లో ఆనంద్ స్క్రిన్ ప్లేతో మాయ చేసిన సంగతి తెలిసిందే. ఈ సినిమాలో సీర‌త్ క‌పూర్‌, సుర‌భి హీరోయిన్స్. మరీ.. శిరీష్ కు ‘ఒక్క క్షణం’ ఒక్కడు రేంజ్ లో హిట్ ఇస్తుందేమో చూడాలి.