త్రివిక్రమ్ తీసుకొస్తున్న మరో సీనియర్ హీరోయిన్.. ఎవరు ?

దర్శకుడు త్రివిక్రమ్ సీనియర్ హీరోయిన్స్’ని రీ-ఎంట్రీ ఇప్పించడమే పనిగా పెట్టుకొన్నట్టున్నాడు. పవన్ ‘అత్తారింటికి దారేది’ సినిమాతో సీనియర్ హీరోయిన్ నదియాని రీ-ఎంట్రీ ఇప్పించాడు. ఇప్పుడు సెకండ్ ఇనింగ్స్ లో నదియా ఫుల్ బిజీ అయిపోయింది. తాజాగా, త్రివిక్రమ్-పవన్ కలయికలో తెరకెక్కుతోన్న తాజా చిత్రం ‘అజ్జాతవాసి’ సినిమా కోసం కుష్బూని తీసుకొన్నాడు.

కుష్బూ నటనని కొనసాగిస్తూనే ఉంది. ఐతే, ఇటీవలకాలంలో తెలుగులో క్రేజీ ప్రాజెక్ట్స్ లో మెరిసింది లేదు. దీంతో ‘అజ్ఝాతవాసి’ ఆమెకు రీ-ఎంట్రీ అనే చెప్పాలి. ఇప్పుడు పవన్‌కల్యాణ్‌, దర్శకుడు త్రివిక్రమ్‌ సంయుక్తంగా నిర్మిస్తున్న నితిన్‌ సినిమాతో మరో సీనియర్ హీరోయిన్ రీ-ఎంట్రీ ఇవ్వనుంది. ఆమె మలయాళం సీనియర్ హీరోయిన్, దర్శకుడు ప్రియదర్శన్‌ మాజీ భార్య లిజీ. భర్తతో విడిపోయాక ఆమె సినిమాలకు దూరమైయింది. ఇపుడు దాదాపు 25 ఏళ్ల తర్వాత మళ్లీ కెమెరా ముందుకు రాబోతున్నారు. ఈ విషయాన్ని లిజీ తన ఫేస్ బుక్ ఖాతా ద్వారా తెలిపింది.

“చాలా కాలం తర్వాత న్యూయార్క్‌లో జరుగుతున్న చిత్రీకరణలో కెమెరా ముందుకు వచ్చాను. భయంగా అనిపించింది కానీ థ్రిల్లింగ్‌గా ఉంది” అని పోస్ట్ చేసింది లిజీ. ఈ సినిమాలొ నితిన్-మేఘా ఆకాష్ జంటగా నటిస్తున్నారు. కృష్ణ చైతన్య దర్శకుడు. ఈ సినిమాకి త్రివిక్రమ్ కథ, స్క్రీన్ ప్లే అందిస్తున్నారు. ఈ సినిమాకి ఇంకా టైటిల్‌ ఖరారు కాలేదు.