అజ్ఞాత‌వాసి.. ఓ రోజు ముందుగానే.. !!

దర్శకుడు త్రివిక్రమ్ పవర్ స్టార్ పవన్ కళ్యాణ్’ని “అజ్ఝాతవాసి”గా చూపించబోతున్న సంగతి తెలిసిందే. వచ్చే యేడాది సంక్రాంతి కానుకగా జనవరి 10న ‘అజ్ఝాతవాసి’ ప్రేక్షకుల ముందుకు రానున్నాడు. ఐతే, యుఎస్ ప్రేక్షకులు ఓ రోజు ముందుగానే ‘అజ్ఝాతవాసి’ని చూడనున్నారు. అక్కడ జనవరి 9న ప్రీమియర్ షోస్’కి ప్లాన్ చేసినట్టు తెలుస్తోంది. ఏకంగా 131 థియేటర్స్’లో థియేటర్స్ లో ‘అజ్ఝాతవాసి’ ప్రీమియ‌ర్ షోస్ ప్రదర్శించనున్నారు.

ఓ భారతీయ సినిమాకు ఈ రేంజ్ లో ప్రీమియర్ షోస్ ప్రదర్శించడం ఇదే తొలిసారి. గతంలో అమీర్ ఖాన్ ‘దంగల్’, సల్మాన్ ఖాన్ ‘ట్యూబ్ లైట్ ‘ సినిమాల కోసం 111 థియేట‌ర్స్ ప్రీమియ‌ర్ షోస్ ప్ర‌ద‌ర్శించారు. ఆ త‌ర్వాత 107 థియేట‌ర్స్ లో ‘బాహుబ‌లి 2’ని ప్ర‌ద‌ర్శించారు. ఇప్పుడు ఏకంగా 131 థియేటర్స్ లో ‘అజ్ఝాతవాసి’ ప్రీమియర్ షోస్ పడనున్నాయి. ఇదీగాక, యుఎస్ అత్యథిక థియేటర్స్ (209)లో రిలీజ్ అవుతొన్న తొలి భారతీయ సినిమా కూడా ‘అజ్ఝాతవాసి’యే కావడం విశేషం. ఈ సినిమాలో పవన్ సరసన కీర్తీ సురేష్, అనూ ఇమాన్యుయేల్ జతకట్టనున్నారు. అనిరుద్ ర‌విచంద్ర‌న్ సంగీతం. రాథాకృష్ణ నిర్మాత.