‘దంగల్’ నటికి వేధింపులు.. చర్యలేవీ ?
అమీర్ ఖాన్ ‘దంగల్’ సినిమాలో తన అద్భుత నటనతో ఆకట్టుకొంది ‘జైరా వాసిమ్’. ఈ సినిమాతో దేశ వ్యాప్తంగా అభిమానులని సంపాదించుకొంది. ఐతే, ఈ నటి నిజ జీవితంలో వేధింపుల గురైన ఘటన దేశ వ్యాప్తంగా హాట్ టాపిక్ గా మారింది.
తన ఆవేదనని ఓ వీడియో రూపంలో సోషల్ మీడియాలో పోస్ట్ చేసింది. “విస్తారా విమానంలో తాను ఢిల్లీ నుంచి ముంబైకి ప్రయాణిస్తున్న సమయంలో.. వెనుక సీట్లో కూర్చున్న మధ్య వయస్కుడైన ఓ వ్యక్తి, తన మెడను తాకుతూ, సీటు కింద నుంచి కాళ్లు పెడుతూ అసభ్యంగా ప్రవర్తించాడు. తాను అడిగితే, విమానం కుదుపుల వల్ల అలా పెట్టానని ఎదురు వాదించాడు. తన వీపు నిమిరాడని, విషయాన్ని సిబ్బందికి ఫిర్యాదు చేసినా పట్టించుకోలేదు” అని వాపోయింది. ఈ ఘటనపై కేంద్ర ప్రభుత్వం స్పందించింది. జాతీయ మహిళా కమిషన్ స్పందించింది. ఐతే, ఇప్పటివరకు ఆ నీచుడిని పట్టుకొన్నారా ? అంటే సమాధానం లేదు.
