కీరవాణి కోసం మెగా ప్రయత్నాలు

ఇటీవలే మెగాస్టార్ చిరంజీవి ‘సైరా నర్సింహారెడ్డి’ సెట్స్ మీదకు వెళ్లింది. ప్రస్తుతం హైదరాబాద్’లో ఫస్ట్ షెడ్యూల్ కొనసాగుతోంది. ఓ యాక్షన్ ఏపీసోడ్ ని చిత్రీకరిస్తున్నారు. ఐతే, ఈ సినిమా సంగీత దర్శకుడు విషయంలో చిత్రబృందం ఇంకా టెన్షన్ పడుతున్నట్టు కనబడుతోంది. ముందుకు ఈ చారిత్రాత్మక చిత్రం కోసం ఎఆర్ రెహ్మాన్’ని తీసుకొన్నారు. ఆయన బిజీ షెడ్యూల్ కారణంగా ఈ ప్రాజెక్ట్ నుంచి తప్పుకొన్నారు. దీంతో.. బాలీవుడ్ సంగీత దర్శకుల కోసం ట్రై చేసిన రామ్ చరణ్.. ‘సైరా’ టీజ‌ర్ కు సంగీతం అందించిన థ‌మ‌న్ కు ఛాన్స్ ఇవ్వాల‌ని అనుకొన్నారు.

భారీ ప్రాజెక్ట్ కావ‌డం, అందులోనూ చారిత్రక నేప‌థ్యం ఉన్న సినిమాకు థమన్ ని తీసుకోవడం సాహసమే అనే కామెంట్స్ వినబడుతున్నాయి. ఇదీగాక, రామ్ చరణ్ సన్నిహితులు థమన్ విషయంలో హెచ్చరిస్తున్నారు. ఈ నేపథ్యంలో రామ్ చరణ్ కీర‌వాణి కోసం ప్ర‌య‌త్నాలు ప్రారంభించినట్టు సమాచారమ్. ప్రస్తుతం కీర‌వాణి నాగ చైత‌న్య న‌టిస్తున్న ‘స‌వ్య‌సాచి’కి సంగీతం స‌మ‌కూరుస్తున్నాడు. మరీ..సైరా కోసం కీర‌వాణి గ్రీన్ సిగ్న‌ల్ ఇస్తారా ? మెగా ప్రయత్నాలు ఫలిస్తాయా.. ?? అన్నది చూడాలి.