అక్కడ ‘అ’ అమ్ముడుపోయింది

నేచుర‌ల్ స్టార్ నాని నిర్మాత‌గా మారి.. వాల్ పోస్ట‌ర్ బ్యాన‌ర్ పై ‘అ’ సినిమాని తెరకెక్కిస్తున్న సంగతి తెలిసిందే. ఇప్పటికే 80%పైగా షూటింగ్ పూర్తయ్యింది. ఇటీవలే రిలీజైన ‘అ’ ఫస్ట్ లుక్, నిత్యామీనన్, అవసరాల శ్రీనివాస్ ఫస్ట్ లుక్స్ ఆకట్టుకొన్నాయి. ఇప్పుడీ సినిమా విదేశీ రైట్స్ ను నిర్వాణ సినిమా, ఫ్లెక్సీ లాయిడ్ లు సంయ‌క్తంగా ద‌క్కించుకున్నాయి. ఫాన్సీ ఆఫ‌ర్ ఇచ్చి ఈ హ‌క్కులు పొందార‌ని ఫిల్మ్ నగర్ టాక్.

నాని ‘అ’లో నిత్యామీనన్, కాజల్, అవసరాల శ్రీనివాస్ కీలక పాత్రలో కనిపించనున్నారు. నానితో పాటుగా మాస్ మహారాజా రవితేజ ‘అ’ కోసం వాయిస్ ఓవర్ ఇవ్వనున్నారు. ఇప్పటి వరకు తెలుగు తెరపై రాని కథ అని ఇదని నాని చెబుతున్నాడు. దీంతో ఈ సినిమాపై అంచనాలు ఓ రేంజ్ లో పెరిగిపోయాయి.