చిట్టిబాబు కెరాఫ్ ఊరమాసు

రంగస్థలం’లో రామ్ చరణ్ (చిట్టిబాబు) పక్కా మాసు.. ఊరమాసు అని తేలిపోయింది. ఇటీవలే రిలీజ్ చేసిన ఫస్ట్ లుక్ పోస్టర్ మెగా అభిమానులకి పిచ్చ పిచ్చగా నచ్చేసింది. దీంతో చిట్టిబాబుని వెంటనే గుడికి తీసుకెళ్లి పాలాభిషేకాలు కూడా చేయించారు మెగా అభిమానులు. మెగా హీరోలు అంటేనే మాస్’కు పెట్టింది పేరు. ఐతే, చిట్టిబాబు రేంజ్ ఊరమాస్ పాత్రలో ఇప్పటి వరకు ఏ మెగా హీరో కనిపించలేదు. మెగాస్టార్ చిరంజీవితో సహా. చిట్టిబాబు లుక్ మాదిరిగానే ఆయన చేసే పనులు కూడా ఊరమాసుగానే ఉంటాయా ? అనేది సినిమాలో చూడాలి.

చిట్టిబాబు ఊరమాస్.. సరే. మరీ చిట్టిబాబు జంట సమంత సంగతేంటీ ? ఈ డౌటు వస్తుందనే చిట్టిబాబు లుక్ వదిలిన కొద్దిసేపటికే ఆయనతో కలిసి ఉన్న సమంత స్టిల్ ని కూడా వదిలాడు సుకుమార్. ప‌ల్లెటూరు అమ్మాయిగా స‌మంత లుక్ చ‌క్క‌గా ఉంది. నీళ్లు తోడే మోటర్‌ ఇంజిన్‌లో సమంత డీజిల్‌ పోస్తుండగా, రామ్‌చరణ్‌ దేవుడికి దణ్ణం పెట్టుకుంటున్న స్టిల్ ఇది. ఇందులో స‌మంత మ‌హాల‌క్ష్మీ పాత్ర‌లో క‌నిపించ‌నుంద‌ని స‌మాచారమ్. చిట్టిబాబు-మహాలక్ష్మీల ప్రేమ, ఊరమాస్ యేశాలు చూడాలంటే వచ్చే యేడాది మార్చి 30 వరకు ఆగాల్సిందే. ఎందుకంటే ఆరోజే ‘రంగస్థలం 1985’ ప్రేక్షకుల ముందుకు రానుంది.

ఈ సినిమాలో జగపతిబాబు, అనసూయ, ఆది పినిశెట్టి, రంభ తదితరులు నటిస్తున్నారు. యంగ్ హీరోయిన్ పూజా హెగ్డే ఐటమ్ సాంగ్ లో మెరవనుంది. దేవిశ్రీ ప్రసాద్ సంగీతం. మైత్రీ మూవీ మేకర్స్‌ బ్యానర్‌పై నవీన్‌ ఎర్నేని, వై.రవిశంకర్‌, మోహన్‌ చెరుకూరి ఈ చిత్రాన్ని నిర్మిస్తున్నారు