‘అజ్ఝాతవాసి’ టీజర్ ఎప్పుడంటే ?
దర్శకుడు త్రివిక్రమ్ పవర్ స్టార్ పవన్ కళ్యాణ్’ని ‘అజ్ఝాతవాసి’గా చూపించబోతున్న విషయం తెలిసిందే. వచ్చే యేడాది సంక్రాంతి కానుకగా జనవరి 10న ‘అజ్ఝాతవాసి’ ప్రేక్షకుల ముందుకు రానున్నాడు. ఐతే, ఇప్పటికే అజ్ఝాతవాసి హవా మొదలైపోయింది. ఈ సినిమా పోస్టర్లు, న్యూస్ సోషల్ మీడియాలో హల్ చల్ చేస్తోంది. ఇప్పుడీ సినిమా టీజర్ రిలీజ్ కి కూడా ముహూర్తం కుదిరింది.
ఈ నెల 16 అజ్ఝాతవాసి టీజర్ ని రిలీజ్ చేయబోతున్నారు. ఈ విషయాన్ని చెబుతూ చిత్రబృందం ఓ పోస్టర్ ని రిలీజ్ చేసింది. హీరో సైకిల్ పై రైడింగ్’కి రెడీగా ఉన్న ఫవన్ లుక్ ని వదిలారు. ఈ పోస్టర్ అదిరిపోయింది. ఇక, ఈ నెల 19న హైదరాబాద్ హైటెక్స్ లో అజ్ఝాతవాసి ఆడియో వేడుక జరగనుంది. ఈ వేడుకకి మెగాస్టార్ చిరంజీవి ముఖ్య అతిథిగా హాజరుకానున్నారు.
