అ.. టీజర్ అదిరిపోయింది.. !
హ్యాట్రిక్, డబుల్ హ్యాట్రిక్.. ట్రిపుల్ హ్యాట్రిక్.. నాటౌట్ ! ఇది హీరో నాని ట్రాక్ రికార్డు. కథల ఎంపికనే నాని విజయ రహస్యం. అసిస్టెంట్ డైరెక్టర్ గా పని చేసిన అనుభవం.. ఇప్పుడు హీరోగా కథల ఎంపికకు ఉపయోగపడుతుంది. అలాంటి నాని ఓ కథ నచ్చి.. దానికి నిర్మాతగా మారడంటే ఆ కథ ఓ అద్భుతమైనదై ఉండాలి. ఇప్పుడు ‘అ!’ టీజర్ చూస్తే అక్షరాల అదే నిజం అనిపిస్తోంది.
నాని ‘వాల్ పోస్ట‌ర్’ బ్యానర్ పై ప్రశాంత్ వర్మ దర్శకత్వంలో ‘అ’ తెరకెక్కుతోంది. నిత్యామీన‌న్‌, కాజల్ శ్రీనివాస్ అవ‌స‌రాల, రెజీనా, ఈషా రెబ్బా, ప్రియ‌ద‌ర్శిన్ , మురళి శర్మ.. ప్రధాన పాత్రల్లో నటించారు. ఇప్పటికే ప్రధాన పాత్రలకు సంబంధించిన ఫస్ట్ లుక్స్ ని విభిన్నంగా విడుదల చేశారు. తాజాగా, ‘అ’ టీజర్ ని రిలీజ్ చేశారు. టీజర్ తో నాని నిజంగానే అ.. అనిపించాడు.
“నాని చేపకు, రవితేజ చెట్టుకి ఇచ్చిన వాయిస్ ఓవర్ తో టీజర్ మొదలయ్యింది. చెట్టు ఏదైనా కథ చెప్పమని చేపను అడగటం.. దానికి చేప అనగనగా ఓ రాజుకు ఏడుగురు కొడుకులు అని చేప స్టార్ట్ చేయబోతే ఏదైనా కొత్తది చెప్పమని చెట్టు అడగటం ..దానికి చేప ఇది చూడు అంటూ టీజర్ ని చూపించడం జరిగింది. ఆఖరిలో హీరో ఎవరు ? అంటే కథే హీరో అంటూ తనదైన స్టయిల్ లో ఆన్సర్ ఇచ్చాడు నాని అదేనండీ చెట్టు.. !”
టీజర్ లో కథేంటీ చెప్పకుండా ఇప్పటికే రిలీజ్ చేసిన లుక్ లని సస్పెన్స్ జోడీ చేసి చూపించారు. చూస్తుంతే.. ఇదో సస్పెన్స్ థ్రిల్లర్ లా అనిపిస్తోంది. ఇప్పటి వరకు తెలుగులో రాని సినిమా అని చెబుతున్నాడు. టీజర్ చూస్తే అది నిజమే అనిపిస్తోంది. మరీ.. సినిమా చూసి అ.. అదిరిపోయింది అనడం ఖాయంగా కనిపిస్తోంది. ఫిబ్రవరి లో సినిమా ప్రేక్షకుల ముందుకు రాబోతుంది.
