స్టార్ డైరెక్టర్స్.. అంతా కాపీ రాయుడులే.. !!
టాలీవుడ్ టాప్ డైరెక్టర్స్ అంతా కాపీ రాయుడులే అన్న సంగతి తేలిపోయింది. దర్శకుడు త్రివిక్రమ్ ‘అజ్ఝాతవాసి’ చిత్రాన్ని హాలీవుడ్ సినిమా ‘లార్గోవించ్’ నుంచి కాపీ కొట్టాడన్న వార్తలు ఇండస్ట్రీలో హాట్ టాపిక్ గా మారిన సంగతి తెలిసిందే. ఈ న్యూస్ హాలీవుడ్ వరకు వినిపించడంతో.. ‘లార్గోవించ్’ చిత్ర దర్శకుడు జెరోమ్ సాల్లీ ఇండియా రావడానికి రెడీ అవుతున్నారు. ఐతే, త్రివిక్రమ్ కంటే ముందే ‘లార్గోవించ్’ని కాపీ కొట్టేందుకు మన స్టార్ డైరెక్టర్స్ ట్రై చేసినట్టు సమాచారమ్.
కొరటాల శివ ‘లార్గోవించ్’ని కాపీ కొట్టడానికి ట్రై చేశాడట. ప్రస్తుతం సూపర్ స్టార్ మహేష్ బాబుతో చేస్తున్న “భరత్ అను నేను” ఈ సినిమా నుంచి స్పూర్తి పొంది రాసుకొన్న కథే అని చెప్పుకొంటున్నారు. స్టయిలీష్ డైరెక్టర్ గా పేరు తెచ్చుకొన్న సురేంధర్ రెడ్డి ఈ కథని అల్లు అర్జున్ కి వినిపించాడు కూడా. బిజీ షెడ్యూల్ కారణంగా తర్వాత చేద్దామని అనుకొన్నారంట. క్రియేటివ్ దర్శకుడు సుకుమార్ కూడా ‘ ‘లార్గోవించ్’ పై కన్నేసినట్టు తెలుస్తోంది. ఐతే, వీరిలో త్రివిక్రమ్ కాస్త ముందుగా కాపీ చేసేశాడు. లేకపోతే మరో టాలీవుడ్ డైరెక్టర్ ఈ కథని కాపీ కొట్టేవాడే.
‘లార్గోవించ్’.. ఫుల్ యాక్షన్ ఎంటర్ టైనర్. దీంతో మన డైరెక్టర్స్ ఈ కథపై మనసుపడ్దారు. ఇలాంటి లైన్ తీసుకొని స్టార్ హీరోలతో చేస్తే బ్లాక్ బస్టర్ హిట్ ఖాయమనే లెక్కలు మనోళ్లకి బాగా తెలుసు.
