‘భాగమతి’ హారర్ సినిమా కాదట !
స్వీటీ అనుష్క “భాగమతి”గా ఈ శుక్రవారం (జనవరి 26) ప్రేక్షకుల ముందుకు రానుంది. తెలుగు రాష్ట్రాలు, ఓవర్సీస్ (125 ప్రాంతాల్లో)లోనూ భారీ స్థాయిలో రిలీజ్ కాబోతుంది. ఐతే, ఇప్పటికే ఈ సినిమా నుంచి బయటికొచ్చిన పోస్టర్స్, టీజర్, ట్రైలర్ ని చూస్తే.. ఇదో హారర్ సినిమా అనే విషయం స్పష్టమవుతోంది. కానీ, భాగమతి హారర్ సినిమా కాదట. హారర్ అంశం కొంత మాత్రమే ఉంటుంది.
దాదాపు నలభై ఐదు రోజుల పాటు బంగ్లా సెట్‌లో ‘భాగమతి’ షూటింగ్‌ జరిగింది. దాదాపు రూ. 3కోట్ల ఖర్చుతో ఆ సెట్ ని వేశారు. ఈ సెట్ లో తీసిన సీన్స్ సినిమాకే హైలైట్ కానున్నాయని చిత్రబృందం చెబుతోంది. ఇప్పటి వరకు బయటికొచ్చిన పోస్టర్, టీజర్, ట్రైలర్ లోనూ హైలైట్ గా కనిపిస్తున్న సీన్స్ ని ఈ సెట్ లో తీసినవే. మొత్తానికి.. భాగమతి ఓ కొత్త తరహాలో చేసిన హారర్ చిత్రమిది చెబుతున్నారు.
ఇక, ఓవర్సీస్ అనుష్క రికార్డు సృష్టించింది. అక్కడ భాగమతి సినిమా ఏకంగా 125 ప్రాంతాల్లో రిలీజ్ కాబోతుంది. ఓ లేడీ ఓరియెంటెడ్ సినిమా ఈ స్థాయిలో రిలీజ్ కాబోతుండటం రికార్డునే. టాలీవుడ్ యంగ్ హీరోలు నాని, నిఖిల్, శర్వానంద్ సినిమాలో ఓవర్సీస్ లో ఈ రేంజ్ లో రిలీజ్ అవుతుంటాయి. మిలియమ్ మార్క్ క్రాస్ చేస్తుంటాయి. ఇప్పుడు అనుష్క కూడా ఓవర్సీస్ లో మిలియన్ మార్క్ క్రాస్ చేయడం గ్యారెంటీ అని చెబుతున్నారు.
జి. అశోక్ దర్శకత్వంలో తెరకెక్కిన చిత్రమిది. యు.వి.క్రియేషన్స్‌ పతాకంపై వంశీ, ప్రమోద్‌ సంయుక్తంగా నిర్మించారు.
