జోహాన్స్ బర్గ్ టెస్ట్ : భారత్ రెండో ఇన్నింగ్స్ 49/1

జోహాన్స్ బర్గ్ వేదికగా సౌతాఫ్రికాతో జ‌రుగుతున్న మూడో టెస్టులో భారత్ పట్టుబిగించేందుకు ప్రయత్నిస్తోంది. మొదటి ఇన్నింగ్స్ లో భారత్ 187 పరుగులకు ఆలౌట్ కాగా, సౌతాఫ్రికా 194 పరుగులకు ఆలౌట్ అయ్యింది. మొదటి ఇన్నింగ్స్ లో సౌతాఫ్రికా బ్యాట్స్ మెన్లు ఆమ్లా, ర‌బ‌డ మిన‌హా మిగిలిన బ్యాట్స్ మెన్లు ఎవ‌రు రాణించ‌క‌పోవ‌డంతో భార‌త్ కంటే 7 ప‌రుగులు మాత్రమే ఎక్కువ‌ చేసింది. భార‌త్ బౌల‌ర్ల‌లో బూమ్రా 5 వికెట్లు ప‌డ‌గొట్ట‌గా, భువ‌నేశ్వ‌ర్ మూడు , ష‌మి, ఇశాంత్ చెరో వికెట్ ప‌డ‌గొట్టారు.

భారత్ రెండో ఇన్నింగ్స్ ని పార్దీవ్ పటేల్, మురళీ విజయ్ లు కలిసి ప్రారంభించారు. పార్థీవ్ పటేల్ 16 పరుగులు చేసి ఔటయ్యాడు. ప్రస్తుతం మురళీ విజయ్ 13, కేఎల్ రాహుల్ 16 పరుగులతో క్రీజులో ఉన్నారు. ప్రస్తుత భారత్ స్కోర్ 49/1.