అనుష్క .. స్టార్ హీరోలకు ధీటుగా

అనుష్క ‘భాగమతి’ భారీ వసూళ్ల దిశగా దూసుకుపోతోంది. శుక్రవారం ప్రపంచవ్యాప్తంగా విడుదలైన ఈ సినిమా తొలిరోజు మంచి ఓపెనింగ్స్‌ రాబట్టింది. కేవలం రెండ్రోజుల్లోనే రూ. 25 కోట్ల క‌లెక్ష‌న్స్ సాధించి లేడీ సూప‌ర్ స్టార్ అనిపించుకుంది అనుష్క‌. ఇదీగాక, భాగమతి థియేటర్స్ దగ్గర స్టార్ హీరో సినిమా రేంజ్’లో హడావుడి కనబడతుంది.

రివ్యూస్ పాజిటీవ్ గా రావ‌డంతో ప్రేక్ష‌కులు థియేర్ల‌కు క్యూక‌డుతున్నారు. త‌మిళ‌, మ‌ల‌యాళంలోనూ ఈ మూవీకి ప్ర‌శంస‌లు ల‌భిస్తున్నాయి. ఇంత‌టి విజయాన్ని అందించిన ప్రేక్ష‌కుల‌కు దర్శకుడు జి. అశోక్, హీరోయిన్ అనుష్క కృత‌జ్ఞ‌త‌లు తెలిపారు.

“భాగమతి చిత్రంతో ఘన విజయం అందించిన అందరికి చాలా థాంక్స్. ప్రతి క్యారెక్టర్ మిమ్మల్ని ఎంటర్టైన్ చేయాలని ప్రయత్నిస్తాను. నా కెరీర్ ని మీ వెలకట్టలేని ప్రేమతో … నేను నటించే ప్రతి సినిమాను ఆదరిస్తున్న నా అభిమానులకు, శ్రేయోభిలాషులకు ప్రత్యేక ధన్యవాదాలు. నా కెరీర్ లో మర్చిపోలేని సూపర్ హిట్ చిత్రాన్ని అందించిన డైరెక్టర్ అశోక్ గారికి, యూవీ క్రియేషన్స్ బ్యానర్ టీంకు స్పెషల్ థాంక్స్. 4 సంవత్సరాలుగా భాగమతి కోసం కష్టపడ్డారు” అని స్వీటీ తెలిపింది.