ఆ ‘షుగర్ ఫ్యాక్టరీ’ మహేష్ దేనా ?
‘అర్జున్ రెడ్డి’ సినిమా సంచలన విజయంతో ఆ చిత్ర దర్శకుడు సందీప్ వంగా ఫేమస్ అయిపోయాడు. ఇప్పుడీ దర్శకుడు ‘అర్జున్ రెడ్డి’ని బాలీవుడ్ లో రిమేక్ చేసే పనిలో ఉన్నాడు. అక్కడ యంగ్ హీరో అర్జున్ కపూర్ ని ‘అర్జున్ రెడ్డి’గా చూపించబోతున్నాడు. మరోవైపు, తమిళ్ లోనూ ‘అర్జున్ రెడ్డి’ రిమేక్ విక్రమ్ తనయుడు హీరోగా ఎంట్రీ ఇస్తున్నాడు.
‘అర్జున్ రెడ్డి’ సినిమా తర్వాత సందీప్ ఓ కథ రెడీ చేసిపెట్టుకొన్నాడు. ఈ కథ కోసం ‘షుగర్ ఫ్యాకరీ’ టైటిల్ ని కూడా ఫిక్స్ చేశాడు. ఇది కూడా అర్జున్ రెడ్డి తరహా బోల్డ్ కంటెంట్ తో కూడుకొన్నది తెలుస్తొంది. ఇదిలావుండగానే ఇటీవలే సందీప్ వంగా సూపర్ స్టార్ మహేష్ ను కలిసి ఓ కథని చెప్పాడు. అది మహేష్ కు బాగా నచ్చేసింది. పూర్తి కథని రెడీ చేసుకొని రమ్మని మహేష్ చెప్పాడు. ఐతే, మహేష్ కు వినిపించిన కథ ‘షుగర్ ఫ్యాక్టరీ’ కథే అన్నది లెటెస్ట్ టాక్. దీంతో షుగర్ ఫ్యాక్టర్ ఇండస్ట్రీ హాట్ టాపిక్ గా మారింది.
ఇదే నిజమైతే ఈ యేడాది ఆఖరులో ‘షుగర్ ఫ్యాక్టరీ’ సినిమా సెట్స్ మీదకు వెళ్లే అవకాశాలున్నాయి. ఈలోగా వంశీ పైడి పల్లి దర్శకత్వంలో మహేష్ 25వ సినిమా, బాలీవుడ్ లో సందీప్ వంగా అర్జున్ రెడ్డి రిమేక్ పూర్తికానున్నాయి.
