స్టార్ హీరోలకు షాక్ ఇస్తున్న అనుష్క

స్టార్ హీరోలకు షాక్ ఇస్తోంది స్వీటీ అనుష్క. ఈ మధ్య కాలంలో బాక్సఫీసు లెక్కలు మారాయి. ఫస్ట్ డే, ఫస్ట్ వీక్ కలెక్షన్స్’లోనే రికార్డులని వెతుక్కొంటున్నారు. ఈ లెక్కన ఈ యేడాది పవర్ స్టార్ పవన్ కళ్యాణ్ తరువాతి స్థానంలో అనుష్క నిలిచింది. ఈ క్రమంలో ఆమె నటసింహం బాలయ్యను దాటేసింది.

సంక్రాంతి కానుకగా ప్రేక్షకుల ముందుకొచ్చిన పవన్ ‘అజ్ఝాతవాసి’, బాలయ్య ‘జై సింహా’ ప్రేక్షకులని పెద్దగా అలరించలేకపోయాయి. ఐతే, భారీ అంచనాల మధ్య ప్రేక్షకుల ముందుకొచ్చిన ఈ సంక్రాంతి సినిమాలు ఫస్ట్ డే భారీ కలెక్షన్స్ రాబట్టాయి. పవన్ ‘అజ్జాతవాసి’ తొలిరోజు రూ. 26 కోట్ల గ్రాస్ ని వసూలు చేసింది. ఇక, బాలయ్య ‘జై సింహా’ తొలి రోజున రూ. 12.20 గ్రాస్ ని కలెక్ట్ చేసింది.

ఇక, దేశ వ్యాప్తంగా అనుష్క ‘భాగమతి’ మొత్తం 1200 థియేటర్లలో విడుదలైంది. ఓ లేడీఓరియెంటెడ్ సినిమా ఈ రేంజ్ లో రిలీజ్ అవ్వడం ఇదే రికార్డు. భారీ ఎత్తున రిలీజైన భాగమతి తొలిరోజు రూ. రూ.14.40 కోట్ల గ్రాస్ వసూలు చేసింది . ఇది బాలయ్య ‘జై సింహా’ తొలి రోజు ( రూ.12.20 కోట్లు) కలెక్షన్స్ కంటే ఎక్కువే. ఐతే, ఈ యేడాది పవన్ ‘అజ్ఝాతవాసి’ తర్వాత స్థానంలో భాగమతి నిలిచింది. ఇదీగాక, ఈ యేడాది ప్రేక్షకులని మెప్పించిన తొలి చిత్రంగా భాగమతి రికార్డు సృష్టించింది.