ఆ నటుడుపై దొంగతనం కేసు

టాలీవుడ్ నటుడిపై దొంగతనం కేసు నమోదు కావడం ఇండస్ట్రీకిని షాక్’కు గురిచేస్తోంది. ఈ ఫిర్యాదు చేసింది కూడా అతని భార్యే కావడం విశేషం. సామ్రాట్ రెడ్డి తనని వేధిస్తున్నాడు. మాదాపూర్‌ నెక్టార్‌ గార్డెన్‌ లోని ఇంట్లో సీసీ కెమెరాలు, ఫర్నీచర్‌ను ధ్వంసం చేసి, ఇంట్లో ఉన్న నగలను కూడా సామ్రాట్‌ తీసుకెళ్లాడు అంటూ మాదపూర్ పోలీస్ స్టేషన్ లో భర్తపై ఫిర్యాదు చేసింది. భర్తతో పాటుగా, భర్త సోదరి సాహితీరెడ్డిపై కూడా ఆమె ఫిర్యాదు చేసింది. దీంతో వీరిద్దరిని పోలీసులు అదుపులోనికి తీసుకొన్నారు.

సామ్రాట్ రెడ్డికి పెళ్లైన కొద్దిరోజుల నుంచే భార్యతో గొడవలు మొదలైనట్టు తెలుస్తోంది. ప్రస్తుతం వీరిద్దరు వేరు వేరుగా ఉంటున్నారు. అలాంటిది ఆయన భార్య ఫిర్యాదు చేసినట్టు సామ్రాట్ రెడ్డి నిజంగానే దొంగతనాన్ని పాల్పడ్డాడా ? అన్నది పోలీసులు దర్యాప్తులో తేలనుంది. ఇక, ఇండస్ట్రీలో సామ్రాట్ కు మంచి పేరుంది. ఆయన ఓ మాదిరి సినిమాల్లో నటించారు.