‘మహానటి’ కోసం తారక్

నాగ్ అశ్వీన్ దర్శకత్వంలో ‘మహానటి’ సావిత్రి బయోపిక్ తెరకెక్కుతోన్న సంగతి తెలిసిందే. ఈ నెల 9న ప్రేక్షకుల ముందుకు రానుంది. ఈ నేపథ్యంలో సినిమా ప్రమోషన్ కార్యక్రమాలని వేగవంతం చేసింది చిత్రబృందం. ఇందులో భాగంగానే ఈ సాయంత్రం (మే1) ఆడియో వేడుకని ఘనంగా నిర్వహించబోతున్నారు.

ఈ వేడుకకు యంగ్ టైగర్ ఎన్టీఆర్ ముఖ్య అథితిగా హాజరుకాబోతున్నాడు. ముందుగా ‘మహానటి’లో తారక్ భాగం కానున్నాడనే వార్తలొచ్చాయ్. సీనియర్ ఎన్ టీఆర్ పాత్రలో తారక్, నాగేశ్వరావు పాత్రలో నాగ చైతన్య కనిపిస్తాడని చెప్పుకొన్నారు. చివరకు చైతూ ఒక్కరే ‘మహానటి’ ఒకే చెప్పారు. తారక్ మాత్రం మహానటిని ప్రమోట్ చేసేందుకు రెడీ అయ్యారు.

కీర్తి సురేష్ సావిత్రిగా కనిపించబోతుంది. ఈ సినిమాలో ఎస్వీఆర్‌ గా సీనియర్‌ నటుడు మోహన్‌ బాబు నటిస్తున్నారు. సమంత, ప్రకాష్‌ రాజ్‌, విజయ్‌ దేవరకొండ, షాలీని పాండే, దర్శకులు క్రిష్‌, తరున్‌ భాస్కర్‌లు కీలక పాత్రల్లో కనిపించబోతున్నారు.