త్రివిక్రమ్’నే పడేశాడు.. ఎవరీ పెంచల్ దాస్.. !!
మాటలతో మాయ చేసే దర్శకుడు త్రివిక్రమ్. ఆయన కలం పవర్ అలాంటిది. యాస, ప్రాస, పంచ్ డైలాగ్స్ తో ప్రేక్షకులని ఫిదా చేస్తాడు. ఇప్పటికీ త్రివిక్రమ్ సినిమాలో దర్శకుడి కంటే రచయితదే పై చేయి. అలాంటి మాటల మాంత్రికుడు మరో రచయిత సహాయం తీసుకోవడం ఇండస్ట్రీలో హాట్ టాపిక్ గా మారింది.
‘అజ్ఝాతవాసి’ సినిమా ముందు వరకు త్రివిక్రమ్ కు అపజయం లేదు. ఆయన సినిమా, అందులోని డైలాగ్స్ కోసం ప్రేక్షకులు ఆతృతగా ఎదురు చూసేవారు. ‘అజ్ఝాతవాసి’ తర్వాత ప్లాప్’తో ఆయన క్రేజ్ తగ్గుతుందనే కామెంట్స్ వినిపించాయ్. ఐతే, అందులో నిజం లేదని తేలిపోయింది. తాజాగా, ఎన్టీఆర్’తో చేస్తున్న చిత్రం కోసం ప్రేక్షకులు అదే అతృతతో ఎదురు చూస్తున్నారు.
ఈ విషయాన్ని గమనించిన త్రివిక్రమ్ మరోసారి తప్పు చేయకుండా జాగ్రత్తపడుతున్నట్టు కనిపిస్తోంది. ఈసారి కచ్చితంగా ప్రేక్షకులు మెచ్చే చిత్రాన్ని తీయాలని గట్టిగా నిర్ణయించుకొన్నట్టు చెబుతున్నారు. ఇందులో భాగంగానే ఎన్ టీఆర్ సినిమా కోసం కొత్త రచయితని తీసుకొన్నాడు. అయన పేరు పెంచల్ దాస్. నాని ‘కృష్ణార్జున యుద్ధం’ సినిమాలోని సూపర్ హిట్ సాంగ్ ‘దారి చూడు దమ్ము చూడు.. ‘ సాంగ్ రాసింది ఇతనే. ఇతనికి చిత్తూరు యాస పై మంచి పట్టుంది. ఎన్ టీఆర్ – త్రివిక్రమ్ సినిమాలో చిత్తూరు యాసలో కొన్ని డైలాగ్స్ ఉన్నాయి. దీంతో పెంచల్ దాస్ ని త్రివిక్రమ్ తీసుకొన్నాడని చెబుతున్నారు.
ఇక, ఎన్టీఆర్ సినిమా త్రివిక్రమ్ ఫ్యాక్షన్ డ్రాప్ తో తెరకెక్కించబోతున్నాడట. తారక్, జగపతిబాబు, నాగబాబు సినిమాలో ఫ్యాక్షనిస్టుగా కనిపించబోతున్నట్టు తెలుస్తోంది. ఈ సినిమాని దసరా కానుకగా ప్రేక్షకుల ముందుకు తీసుకురానున్నారు.
