రాజకుటుంబీకులతో ప్రభాస్.. @అబుదాబి !
అబుదాబిలో రాజకుటుంబీకులను యంగ్ రెబల్ స్టార్ ప్రభాస్ కలుసుకొన్నారు. దీనికి సంబంధించిన ఫోటో ఒకటి సోషల్ మీడియా వైరల్ గా మారింది. సుజీత్ దర్శకత్వంలో తెరకెక్కుతోన్న ప్రభాస్ ‘సాహో’ షూటింగ్ ప్రస్తుతం అబుదాబిలో జరుగుతున్న సంగతి తెలిసిందే. అక్కడ భారీ యాక్షన్ సీన్స్ ని తెరకెక్కిస్తున్నారు. షూటింగ్ విరామంలో ప్రభాస్ అబుదాబి రాజకుటుంబీకులను కలుసుకున్నారు. ఆ ఫోటోని శ్రేయాస్ మీడియా చైర్మన్ శ్రీనివాస్ ట్వీట్ చేశారు.
దాదాపు రూ. 300కోట్లతో ‘సాహో’ని తెరకెక్కిస్తున్నారు. యాక్షన్ సీన్స్ చిత్రీకరణ కోసమే ఏకంగా రూ. 90కోట్లు ఖర్చు చేయనున్నారు. అబుదాబి షెడ్యూల్ 60రోజుల పాటు సుదీర్ఘంగా కొనసాగనుంది. హాలీవుడ్ సినిమాలకు యాక్షన్ కొరియోగ్రఫీ చేసిన కెన్నీ బేట్స్‌ ఆధ్వర్యంలో యాక్షన్ సీన్స్ తెరకెక్కిస్తున్నారు. సల్మాన్‌ ఖాన్‌ ‘టైగర్‌ జిందా హై’ తర్వాత ఎక్కువ శాతం అబుదబీలో షూటింగ్ జరుపుకుంటున్న చిత్రం ‘సాహో’ కావడం విశేషం.
ఈ యాక్షన్ థ్రిల్లర్ లో ప్రభాస్ సరసన బాలీవుడ్ హీరోయిన్ శ్రద్ధా కపూర్ జతకట్టనుంది. హాలీవుడ్, బాలీవుడ్ టెక్నీషన్స్, నటీనటులు ‘సాహో’ కోసం పని చేస్తున్నారు. యూవీ క్రియేషన్స్ ప్రతిష్టాత్మకంగా తెరకెక్కిస్తున్న ఈ చిత్రం తెలుగు, తమిళ్, కన్నడ, హిందీ బాషల్లో విడుదల కానుంది. బాహుబలి తర్వాత ప్రభాస్ నుంచి వస్తున్న భారీ బడ్జెట్ సినిమా ఇది.
