మెగాస్టార్, ఎన్టీఆర్’ల కోసం వైజయంతీ వెయిటింగ్

‘మహానటి’ బ్లాక్ బస్టర్ హిట్’తో “వైజయంతీ మూవీస్” బ్యానర్ కు పూర్వ వైభవం వచ్చింది. టాలీవుడ్ కు బ్లాక్ బస్టర్ హిట్స్ ఇచ్చిన ఈ బ్యానర్ నుంచి కొన్నాళ్ల పాటు సినిమాలు రాలేదు. ఐతే, ‘మహానటి’తో వైజయంతీ సెకండ్ ఇన్నింగ్స్ ప్రారంభించింది. ఇకపై కూడా స్టార్ హీరోలతో సినిమాలు ప్లాన్ చేస్తోంది. ఇప్పటికే మెగాస్టార్ చిరంజీవితో ఓ సినిమా ఫైనల్ అయినట్టు చెబుతున్నారు.

ప్రస్తుతం మెగాస్టార్ ‘సైరా’ సినిమాతో బిజీగా ఉన్నాడు. ఈ సినిమా షూటింగ్ పూర్తయ్యేలోపు మెగాస్టార్ కోసం తన అల్లుడు నాగ్ అశ్విన్’తో మెగాస్టార్ కోసం ఓ కథని రెడీ చేయించే పనిలో అశ్వినీదత్ ఉన్నాడు. ఇప్పటికే మెగాస్టార్ సినిమా కోసం నాగ్ అశ్విన్ పని మొదలెట్టినట్టు చెప్పుకొంటున్నారు. చిరు కూడా నాగ్ అశ్విన్ తో సినిమా చేసేందుకు ఆసక్తిగా ఉన్నాడు. ఇప్పటికే అశ్విన్ చెప్పిన లైన్ ని ఓకే చేశాడని తెలిసింది.

ఇదీగాక, యంగ్ టైగర్ ఎన్టీఆర్’తోనూ ఓ సినిమా ప్లాన్ చేస్తోంది వైజయంతీ మూవీస్. ప్రస్తుతం తారక్ త్రివిక్రమ్ సినిమాతో బిజీగా ఉన్నాడు. ఈ సినిమా పూర్తయ్యేలోపు తారక్ కోసం ఓ మంచి కథని వెతికి పట్టుకొనే పనిలో అశ్వినీదత్ ఉన్నట్టు తెలుస్తోంది. ఇక, వంశీపైడిపల్లి దర్శకత్వంలో తెరకెక్కుతోన్న సూపర్ స్టార్ మహేష్ బాబు 25వ సినిమాని దిల్ రాజు తో కలిసి అశ్వినీదత్ నిర్మిస్తున్నారు. మొత్తానికి.. వైజయంతీ మూవీస్ స్టార్ హీరోలతో వరుస సినిమాలని ప్లాన్ చేసినట్టు కనబడుతోంది.