ఎన్టీఆర్ సెంటిమెంట్ లుక్స్

యంగ్ టైగర్ ఎన్టీఆర్ ప్రస్తుతం ఫుల్ స్వింగ్’లో ఉన్నారు. నాన్ స్టాప్ బ్లాక్ బస్టర్ హిట్స్’తో దూసుకెళ్తున్నారు. నాన్నకు ప్రేమతో, జనతా గ్యారేజ్, జై లవ కుశ సినిమాలు తారక్, ఆయన అభిమానుల దాహాన్ని పూర్తిస్థాయిలో తీర్చాయి. మిగితా టాలీవుడ్ స్టార్స్ రెండు చేతులా సంపాదిస్తుంటే.. తారక్ మాత్రం మూడు చేతులా ఆ పని చేస్తున్నాడు. సినిమాలు, ప్రకటనలు, బిగ్ బాస్ తెలుగు షోతో అదరొట్టేస్తున్నాడు. ఓ సెంటిమెంట్’ని తూ.చ తప్పకుండా ఫాలో అవ్వడం వలనే తారక్ ఈ సక్సస్ అందుకొంటున్నట్టు సమాచారమ్.

అదే బర్త్ డే సెంటిమెంట్. ఎన్టీఆర్ తన పుట్టినరోజు కానుకగా తన సినిమాల ఫస్ట్ లుక్ పోస్టర్స్ ని విడుదల చేస్తుంటాడు. నాన్నకు ప్రేమతో, జనతా గ్యారేజ్, జై లవ కుశ విషయంలో ఇదే ఫాలో అయ్యాడు. ఇప్పుడు త్రివిక్రమ్ దర్శకత్వంలో తెరకెక్కుతోన్న సినిమా ఫస్ట్ లుక్ కూడా తారత్ పుట్టినరోజు (మే 20)న విడుదల కానుంది. దీనికి ముహూర్తం కూడా ఖరారైంది. ఈ నెల 19 సాయంత్రం 6గం॥లకు తారక్-త్రివిక్రమ్ సినిమా ఫస్ట్ లుక్ పోస్టర్ రిలీజ్ కానుంది.

త్రివిక్రమ్ తారక్’ని ఫాక్షనిస్ట్ లీడర్ గా చూపించబోతున్నాడనే ప్రచారం జరుగుతోంది. ఫ్యాక్షన్ నేపథ్యంలో తెరకెక్కనున్న ఈ చిత్రంలో యాక్షన్ తో పాటు త్రివిక్రమ్ మార్క్ ఫ్యామిలీ ఎంటర్ టైన్ మెంట్ ఉంటుందని చెబుతున్నారు. సినిమాలో ఎన్ టీఆర్ సరసన పూజా హెగ్డే జతకట్టనుంది. సంగీతం థమన్. రాథాకృష్ణ నిర్మాత. ఈ సినిమాని దసరా కానుకా ప్రేక్షకుల ముందుకు తీసుకు రానున్నారు.