‘ఇల్లీకి మళ్లీ కిక్కు’ దొరికింది
గోవా బ్యూటీ ఇలియానాకు మళ్లీ కిక్కు దొరికింది. ఆమె టాలీవుడ్ రీ-ఎంట్రీ ఖరారైంది. శ్రీను వైట్ల దర్శకత్వంలో రవితేజ హీరోగా తెరకెక్కనున్న “అమర్ అక్బర్ ఆంటోని” కోసం ఇల్లీని తీసుకొన్నట్టు ఫిల్మ్ నగర్ సమాచారమ్. గతంలో తెలుగు ప్రేక్షకులకు ఫుల్ కిక్కినిచ్చిన జంట (రవితేజ-ఇలియానా) ఇది. కిక్, దేవుడు చేసిన మనుషులు సినిమాల్లో కలిసి నటించారు. ఇప్పుడు ‘అమర్ అక్బర్ ఆంటోని’ కోసం మరోసారి జతకట్టబోతున్నారు.
టాలీవుడ్’ని బాలీవుడ్’కు వెళ్లినందుకు ఇల్లీ భారీ మూల్యాన్నే చెల్లించుకొన్నట్టయ్యింది. తెలుగులో తొలి కోటి అందుకొన్న కథానాయికగా ఇల్లీకి మంచి రికార్డు ఉంది. అలాంటిది టాలీవుడ్’ని వదిలేసి బాలీవుడ్ కి వెళ్లినందుకు అక్కడ బిజీకాలేకపోయింది. తిరిగి టాలీవుడ్ కు రాలేకపోయింది. ఐతే, ఫైనల్ గా ఇల్లీ కోరికని రవితేజ తీర్చబోతున్నాడు. మరీ.. ప్రేమ, పెళ్లి తర్వాత రీ-ఎంట్రీ ఇస్తున్న ఇల్లీని తెలుగు ప్రేక్షకులు ఎలా రిసీవ్ చేసుకొంటారన్నది చూడాలి.
