సూపర్ ఫ్యాన్’కు ధోని విందు
భారత క్రికెట్ సూపర్ ఫ్యాన్ సుధీర్‌ గౌతమ్‌ అదిరిపోయే విందు పార్టీ ఇచ్చాడు మహేంద్ర సింగ్ ధోని. క్రికెట్ దేవుడు సచిన్‌ తెందుల్కర్‌ కు వీరాభిమాని సుధీర్‌. ఒంటిపై సచిన్‌ పేరు, జెర్సీ నంబర్‌ రాసుకొని మ్యాచ్‌లకు హాజరవడం తెలిసిందే. ఐతే, సచిన్‌ రిటైర్మైంట్‌ తర్వాత కూడా అతను భారత జట్టు మ్యాచ్‌లకు హాజరవుతున్నాడు. ఈ సూపర్ ఫ్యాన్’గా అలుపు అనేది ఉండదు. టీమిండియా ఆడే ప్రతి మ్యాచ్’ని స్టేడియంకి వెళ్లి వీక్షించాల్సిందే.
ఇప్పుడీ సూపర్ ఫ్యాన్ ధోని విందుకు ఆహ్వానించడంతో ఆనందంతో ఉబ్బితబ్బిబ్బవుతున్నాడు. ‘కెప్టెన్‌ కూల్‌తో ప్రత్యేకమైన రోజు. ధోని కుటుంబంతో కలిసి భోజనం చేశా. ఆ క్షణాలను వర్ణించడానికి మాటలు రావట్లేదు. ధోని, సాక్షికి ధన్యవాదాలు’’ అంటూ ట్విట్ చేశాడీ సూపర్ ఫ్యాన్. ధోనితో కలిసి దిగిన ఫోటోలని పోస్ట్ చేశాడు.
