కొత్త ఎకౌంట్ ఓపెన్ చేసిన తారక్

యంగ్ టైగర్ ఎన్టీఆర్’కు ఇప్పటికే రెండు ఎకౌంట్స్ ఉన్నాయి. ఫేస్ బుక్, ట్విట్టర్ ద్వారా ఆయన అభిమానులతో టచ్ లో ఉంటుంటారు. తన సినిమాలు, పర్సనల్ విషయాలని అభిమానులతో పంచుకొంటుంటారు. ఇప్పుడు తారక్ కొత్త ఎకౌంట్ ని తెరిచారు. ఇన్ స్ట్రో గ్రామ్ లో ఖాతా ప్రారంభించారు. తన తాజా చిత్రం ‘అరవింద సమేత’ ఫస్ట్ లుక్ ని పోస్టర్ చేశారు. సోషల్ మీడియాలో అత్యధిక ఫాలోయింగ్ కలిగిన టాలీవుడ్ స్టార్స్ లో తారక్ ఒకరు. కొత్త ఎకౌంట్ తో తారక్ ఫాలోయింగ్ మరింత పెరిగనుంది.

ప్రస్తుతం తారక్ ‘అరవింద సమేత’ సినిమాతో బిజీగా ఉన్నారు. త్రివిక్రమ్-తారక్ కలయికలో తెరకెక్కుతోన్న తొలిచిత్రమిది. ఈ సినిమాపై ప్రేక్షకుల్లో భారీ అంచనాలున్నాయి. ఈ సినిమా తర్వాత రాజమౌళి దర్శకత్వంలో తారక్-చరణ్ ల మల్టీస్టారర్ తెరకెక్కనుంది. ఇక, తారక్ మరోసారి తండ్రైన సంగతి తెలిసిందే. ఎన్ టీఆర్-ప్రణీత దంపతులకు పండింటి మగ బిడ్డ జన్మించాడు. దీంతో నందమూరి ఫ్యామిలీలో సంబరాలు మొదలయ్యాయి.