ఇంద్ర‌కీలాద్రిపై బాబా గార‌డీ..!!
విజ‌య‌వాడ ఇంద్ర‌కీలాద్రిపై నిత్యం భ‌క్తుల ర‌ద్దీ ఎక్కువ‌గా ఉంటుంది. భ‌క్తుల న‌మ్మ‌కమే పెట్టుబ‌డిగా ఆల‌య ప‌రిస‌రాల్లో బురిడీ బాబా తిష్ట వేశారు. ఇంద్ర‌కీలాద్రిపై గార‌డీ చేసి భ‌క్తుల నుంచి అందిన కాడికి దోచుకుంటున్నారు. భక్తులను ఆశీర్వ‌దించే నెపంతో బంగారం కొట్టేస్తున్న దొంగ‌స్వామిని పోలీసులు అదుపులోకి తీసుకున్నారు.
ఆకలేస్తుందంటూ భక్తులను పిలిచి, నెమలి పించంతో మంచి జరుగుతుందంటూ మంత్రాలు చ‌దువుతున్నాడు ఈ బురిడీ బాబా. ఉంగరాలు అడ్డు తగులుతున్నాయని తీయించి తన గారడీతో ఉంగరాన్నిమాయంచేసి రుద్రాక్ష చేతిలో పెట్టి అంద‌రినీ బురిడీ కొట్టిస్తున్నాడు. గ‌త కొంత కాలంగా బురిడీ బాబా గార‌డీల‌ను గ్ర‌హించిన భ‌క్తులు ఆ దొంగ స్వామిపై పోలీసుల‌కు ఫిర్యాదు చేశారు. విజ‌య‌వాడ వ‌న్ టౌన్ పోలీసులు బురిడీ బాబాను అదుపులోకి తీసుకున్నారు.
