ప్రముఖ మిమిక్రీ ఆర్టిస్ట్ వేణుమాధవ్ మృతి..
ప్రముఖ మిమిక్రీ ఆర్టిస్ట్, పద్మశ్రీ వేణుమాధవ్ క‌న్నుమూశారు. కొన్నాళ్లుగా అనారోగ్యంతో బాధపడిన వేణుమాధవ్ మంగళవారం తుదిశ్వాస విడిచారు. 1932 డిసెంబర్ 28న మట్టెవాడలో వేణుమాధవ్ జన్మించిన ఆయ‌న‌కు ఇప్పుడు 85ఏళ్లు. 1972 నుంచి 1978 వరకు వేణుమాధవ్ ఎమ్మెల్సీగా పనిచేశారు. దేశవిదేశాల్లో అనేక ప్రదర్శనలు ఇచ్చి అందరి ప్రసంశలు అందుకున్నారు. వివిధ ర‌కాల జంతువుల, సెల‌బ్రీటీల వాయిస్ ను అల‌వోక‌గా అనుక‌రించే నేర్ప‌రి ఆయ‌న. ఆయ‌న మృతిప‌ట్ల తెలంగాణ ముఖ్య‌మంత్రి కేసీఆర్, మంత్రులు, ప్ర‌జాప్ర‌తినిధులు సంతాపం వ్య‌క్తం చేశారు.
