చైతూ కోసం సమంత వెయిటింగ్.. !
పెళ్లి తర్వాత సమంత సక్సెస్ రేటు మరింతగా పెరిగింది. తెలుగు, తమిళ్ లోనూ ఆమె నటించిన సినిమాలు బ్లాక్ బస్టర్ హిట్ సినిమాల లిస్టులో చేరిపోతున్నాయి. మెర్సల్, రంగస్థలం, మహానటి, అభిమన్యుడు భారీ కలెక్షన్స్ ని సాధించాయి. మరో మూడు సినిమాల షూటింగ్ ని సమంత పూర్తి చేసింది. తమిళ్ లో సమంత నటిస్తున్న సీమరాజా, సూపర్ డీలక్స్ సినిమాలు షూటింగ్ పూర్తి చేసుకొన్నాయి. శాండిల్ సూపర్ హిట్ సినిమా ‘యు-టర్న్’ని అదే టైటిల్ తో తెలుగు, తమిళ్ బాషల్లోకి రిమేక్ అవుతోంది. ఇప్పుడీ సినిమా షూటింగ్ ని కూడా సమంత పూర్తి చేసింది. చేతిలో ఉన్న సినిమాలన్నీ పూర్తికావడంతో సామ్ చైతూ కోసం ఎదురు చూస్తోంది.
‘నిన్నుకోరి’ దర్శకుడు శివ నిర్వాణ చైతూ-సమంత జంటగా ఓ లవ్ స్టోరీని తెరకెక్కించనున్నాడు. తెలుగు, తమిళ్ లోనూ ఈ ప్రేమకథ చిత్రాన్ని విడుదల చేయనున్నారు. మరోవైపు, చైతూ సవ్యసాచి, శైలాజా రెడ్డి అల్లుడు సినిమాలతో బిజీగా ఉన్నారు. ఈ రెండు సినిమాలని పూర్తి చేసిన తర్వాత చైతూ-సమంతల సినిమా సెట్స్ మీదకు వెళ్లనుంది. అప్పటి వరకు సామ్ చైతూ కోసం ఎదురు చూస్తూ ఉంటుందట. చైతూ-సామ్ ల లవ్ స్టోరీ ‘ఏమాయ చేసావె’ సూపర్ హిట్టయ్యింది. పెళ్లి తర్వాత మరోసారి లవ్ స్టోరీ చూపించబోతున్నారు. మరీ.. భార్యభర్తల లవ్ స్టోరీ ప్రేక్షకులని ఏ మేరకు ఆకట్టుకుంటుందనేది చూడాలి.
