ఫిఫా ప్రపంచకప్‌ : క్వార్టర్స్‌లోకి బ్రెజిల్
ఫిఫా ప్రపంచకప్‌లో బ్రెజిల్ క్వార్టర్‌ ఫైనల్స్‌కు దూసుకెళ్లింది. టోర్నీ నుంచి పెద్ద జట్లు ఒక్కొక్కటి నిష్క్రమిస్తున్న తరుణంలో సాంబా జట్టు.. ప్రిక్వార్టర్స్‌లో స్థాయికి తగ్గ ప్రదర్శన చేసింది. మెక్సికోను 2-0తో ఓడించి క్వార్టర్స్‌లో అడుగుపెట్టింది. బ్రెజిల్ స్టార్‌ ఆటగాడు నెయ్‌మార్‌ 51 నిమిషంలో,ఫర్మినో 88వ నిమిషంలో గోల్స్‌ సాధించారు.
తొలి అర్ధభాగం ఇరుజట్లు పోటా పోటీగా తలపడ్దాయి. ఐతే, విరామ సమయం తర్వాత బ్రెజిల్ దూకుడు పెంచింది. రెండు గోల్స్‌ కొట్టడంతో పాటు బ్రెజిల్ రక్షణశ్రేణి బలంగా ఉండటంతో మెక్సికో గోల్‌ యత్నాలు ఫలించలేదు. ఈ టోర్నీలో బ్రెజిల్ 2-0తో గెలవడం ఇది మూడోసారి. ఇప్పటి వరకు జరిగిన అన్ని ప్రపంచకప్‌ల్లోనూ బ్రెజిల్ పాల్గొనడం విశేషం. ఐదుసార్లు కప్ గెలుచుకుంది.
