ఫిఫా వరల్డ్ కప్ : సెమీస్’కు ఫ్రాన్స్

ఫిఫా ప్రపంచకప్’లో ఫ్రాన్స్ జట్టు సెమీస్ కు చేరింది. క్వార్టర్స్‌లో మాజీ ఛాంపియన్‌ ఉరుగ్వేతో జరిగిన మ్యాచ్‌లో 2-0తో గెలుపొందింది. ఉరుగ్వే ఒక్క గోల్ కూడా చేయలేకపోయింది. తొలి అర్ధభాగంలో ఇరు జట్లు గోల్‌ కోసం ఇరు జట్లు తీవ్రంగా ప్రయత్నించాయి. ఈ క్రమంలో మ్యాచ్‌ 40వ నిమిషంలో ఫ్రాన్స్‌ ఆటగాడు వరానే.. హెడర్‌గోల్‌తో తన జట్టుకు తొలి గోల్‌ అందించాడు. దీంతో తొలి అర్ధభాగంలో 1-0తో ఫ్రాన్స్‌ ఆధిక్యంలో నిలిచింది.

రెండో అర్ధభాగంలోనూ ఇరు జట్లూ సమానంగా బంతిని నియంత్రణలో పెట్టుకొని గోల్‌ కోసం ప్రయత్నించాయి. 61వ నిమిషంలో గ్రీజ్‌మన్‌ గోల్‌ చేసి ఫ్రాన్స్‌ ఆధిక్యాన్ని 2-0కి పెంచాడు. ఉరుగ్వే..‌ ఫ్రాన్స్‌ ఎటాకింగ్‌ గేమ్‌ను నిలువరించలేకపోయింది. ఫలితంగా ఓటమితో టోర్నీ
నుంచి నిష్క్రమించింది.