యేలేటి సినిమా.. నానికి జోడిగా అనుష్క !
స్వీటీ అనుష్క స్టార్ హీరోయిన్.. అంతకుమించి అనిపించుకొంది. వేదం, అరుంధతి, రుద్రమదేవి, బాహుబలి, భాగమతి లాంటి సినిమాలు చేసింది. ఇప్పటికే అన్ని రకాల పాత్రలతో మెప్పించిన స్వీటీ.. తన రేంజు తగిన సినిమాలని మాత్రమే ఓకే చేస్తోంది. ఈ క్రమంలో ‘భాగమతి’ తర్వాత ఆమె గౌతమ్‌ దర్శకత్వంలో ఓ సినిమా చేసేందుకు రెడీ అయ్యింది. ఇదీగాక, ఆమె నేచురల్ స్టార్ నానితో జతకట్టేందుకు గ్రీన్ సిగ్నల్ ఇవ్వడం ఇండస్ట్రీలో హాట్ టాపిక్ గా మారింది.
విభిన్న సినిమాలు చేసే దర్శకుడు చంద్రశేఖర్ యేలేటి నాని హీరోగా ఓ సినిమా తెరకెక్కించబోతున్న సంగతి తెలిసిందే. ఈ సినిమాలో నానికి జంటగా అనుష్కని తీసుకొన్నారు. ఇది అనుష్క రేంజ్ కథని చెబుతున్నారు. కథ ఎంపికలో మంచి టేస్టు ఉన్న నాని, అనుష్క జతకట్టనుండటం సినిమాపై అంచనాలని పెంచేస్తోంది. కచ్చితంగా ఇదో డిఫరెంట్ కాన్సెప్ట్ తో తెరకెక్కనుందని అర్థవుతోంది.
