ఎన్టీఆర్ ఐటమ్’గా రకుల్

స్టార్ హీరోయిన్ రకుల్ ప్రీత్ సింగ్ ఎన్టీఆర్ ఐటమ్ గా మారిందని తెలిసింది. అదికూడా సీనియర్ ఎన్టీఆర్ ఐటమ్ అవ్వడం విశేషం. క్రిష్ దర్శకత్వంలో ఎన్టీఆర్ బయోపిక్ తెరకెక్కుతోన్న సంగతి తెలిసిందే. ఎన్టీఆర్ పాత్రలో ఆయన తనయుడు బాలకృష్ణ నటిస్తున్నారు. ఆయన భార్య బసవతారకం పాత్రలో బాలీవుడ్ నటి విద్యాబాలన్ కనిపించనున్నారు.

ఇదీగాక, ఈ బయోపిక్ స్టార్ హీరో-హీరోయిన్స్ తో నిండిపోతోంది. మోహన్ బాబు, సచిన్ కేడ్కర్, మహేష్ బాబు, రానా నాగచైతన్య, శర్వానంద్, కీర్తి సురేష్.. తదితరులు కనిపించబోతున్నట్టు సమాచారమ్. ఇప్పుడీ లిస్టులో రకుల్ ప్రీత్ సింగ్ కూడా చేరిపోయినట్టు ఫిల్మ్ నగర్ సమాచారమ్. ఎన్టీఆర్‌ సినిమాల్లోని చాలా ఐటెమ్‌ సాంగ్స్ సూపర్‌ హిట్‌గా నిలిచాయి. వీటిలో ఓ సాంగ్ లో రకుల్‌ చిందేయనుంది. ఐతే, ఆమె పాత్రని సినిమా రిలీజ్ వరకు సస్పెన్స్ గా ఉంచాలని చిత్రబృందం నిర్ణయించినట్టు చెబుతున్నారు.

ఇటీవలే రకుల్ బాలయ్యని కలిసింది. ఎన్టీఆర్ బయోపిక్ లో నటించాలని ఉందని తన కోరికని బయటపెట్టింది. ఏ చిన్న పాత్ర చేసేందుకైనా రెడీ అని చెప్పింది. ఇప్పుడు రకుల్ కోరికని బాలయ్య తీర్చాడని.. ఎన్ టీఆర్ బయోపిక్ లో ఓ సూపర్ హిట్ ఐటమ్ సాంగ్ కోసం రకుల్ ని తీసుకొన్నట్టు చెబుతున్నారు. ఇక, ఎన్ టీఆర్ బయోపిక్ లోనూ కీర్తి సురేష్ మహానటి సావిత్రిపాత్రలో కనిపించబోతున్నట్టు తెలుస్తోంది.