కాంగ్రెస్’కు అద‌నంగా ఒక్క ఓటు వ‌చ్చింద‌ట‌..!

ఏపీలో వైసీపీ టీడీపీ మ‌ధ్య ఎలాంటి విమ‌ర్శ‌ల వార్ న‌డుస్తుందో తెలిసిందే. తాజాగా టీడీపీనేత‌లు కాంగ్రెస్ పై కూడా విమ‌ర్శ‌లు గురిపెట్టారు. ఢిల్లీలో రాహుల్ స‌మ‌క్షంలో కాంగ్రెస్ లో చేరిన మాజీ సీఎం కిర‌ణ్ కుమార్ రెడ్డి పై ఒక్కొక్క‌రుగా విమ‌ర్శ‌లు కురిపించారు. కిర‌ణ్ పై వ్యంగ్యాస్త్రాలు విసిరారు. టీడీపీ నేత‌లు డొక్కా మాణిక్య వ‌ర‌ప్ర‌సాద్ , మంత్రి సోమిరెడ్డి చంద్ర‌మోహ‌న్ రెడ్డి కిర‌ణ్ చేరిక‌పై కాంగ్రెస్ కు చుర‌క‌లంటించారు.

కిర‌ణ్ కుమార్ రెడ్డి చేరిక‌తో కాంగ్రెస్ కు అద‌నంగా ఒక్క ఓటు వ‌చ్చింద‌ని డొక్కా మాణిక్య వ‌ర‌ప్ర‌సాద్ విమ‌ర్శించారు. కిర‌ణ్ చేరికతో ఒక ఓటు పెర‌గ‌డం మిన‌హా ఏమీ లాభంలేద‌ని ఆయ‌న అన్నారు. దేశంలో అత్యంత ధ‌నికుడైన , అవినీతిప‌రుడైన రాజ‌కీయ నేత కిర‌ణ్ అని మండిప‌డ్డారు. కిర‌ణ్ కు రాష్ట్రంలో కాంగ్రెస్ పై ఆశ‌తో చేర‌లేద‌ని, దేశంలో కాంగ్రెస్ అధికారంపై ఆశ‌తోనే చేరార‌ని చెప్పారు మంత్రి సోమిరెడ్డి.