నా ఉత్సాహానికి కారణాలివే : తారక్

తెరపై అదరగొట్టే యంగ్ టైగర్ ఎన్టీఆర్.. తెర వెనక అదే ఉత్సాహంతో కనిపిస్తాడు. ఆ ఉత్సాహం ఎప్పుడు లోపల అలాగే ఉంటుంది. శుక్రవారం సెలక్ట్‌ ప్రచారకర్తగా నియమితులైన సందర్భంగా.. తారక్ విలేకరులతో ప్రత్యేకంగా ముచ్చటించారు. తన ఉత్తేజానికి అసలు కారణాలని ప్రేక్షకులతో పంచుకొన్నారు.

‘కుటుంబంతో గడపడం, ప్రతికూల విషయాలు ఆలోచించకపోవడం నా ఉత్తేజానికి కారణాలు. ఒకరికి వచ్చిన పరిస్థితి నాకు రాదు. నాకు వచ్చింది ఇతరులకు రాదు. ‘నిన్ను చూడాలని’ సమయంలో ఉన్నట్లు ఇప్పుడు లేను. అందమైన కుటుంబం, పిల్లలు, అభిమానులు, స్నేహితులు.. నన్ను సంతోషంగా ఉంచుతున్నారు’ అన్నారు తారక్.

వరుసగా బ్లాక్ బస్టర్ హిట్స్ తారక్ జోరుమీదున్నాడు. టెంపర్, నాన్నకు ప్రేమతో, జనతాగ్యారేజ్, జై లవ కుశ సినిమాలతో భారీ విజయాలు అందుకొన్నారు. ప్రస్తుతం త్రివిక్రమ్ దర్శకత్వంలో తారక్ ‘అరవింద సమేత’ తెరకెక్కుతోంది. రాయలసీమ యాక్షన్ నేపథ్యంలో.. త్రివిక్రమ్ మార్క్ ఫ్యామిలీ, తారక్ మార్క్ యాక్షన్ తో ఈ సినిమా తెరకెక్కుతోంది. ఈ సినిమాని దసరా కానుకగా ప్రేక్షకుల ముందుకు తీసుకురానున్నారు.