‘గూఢచారి’లో పవన్ హీరోయిన్ లుక్.. అదిరింది !
పవర్ స్టార్ పవన్ కళ్యాణ్ హీరోయిన్ సుప్రియా యార్లగడ్డ దాదాపు 20 యేళ్ల తర్వాత రీ-ఎంట్రీ ఇస్తోంది. పవన్, సుప్రీయా ఒకేసారి తెరకు పరిచయమయ్యారు. పవన్ తొలి చిత్రం ‘అక్కడ అబ్బాయి ఇక్కడ అమ్మాయి’ సినిమాలో జంటగా నటించారు. సుప్రియా ఎవరో కాదు అక్కేనేని మనవరాలు. ఇప్పుడీ హీరోయిన్ ‘గూఢచారి’తో రీ-ఎంట్రీ ఇస్తోంది. ఇందులో ఆమె సీక్రెట్ ఏజెంట్ నదియా ఖురేషీ పాత్రలో కనిపించనుంది. తాజాగా, సినిమాలో సుప్రియా పాత్ర లుక్ ని విడుదల చేసింది చిత్రబృందం.
ఆమెది సినిమాలో కీలక పాత్ర అని చెబుతున్నారు. రా ఏజెన్సీకి కి చెందిన త్రినేత్ర అనే సీక్రెట్ ఏజెన్సీకి వర్క్ చేసే సీక్రెట్ ఏజెంట్ గా కనిపించనుంది. 92 ఎఫ్ఎస్ తుపాకీని క్యారీ చేస్తుందట. 116 రోజులపాటు 168 లొకేషన్స్ లో షూట్ చేయబడ్డ ఈ చిత్రం ప్రస్తుతం పోస్ట్ ప్రొడక్షన్ పనులని జరుపుకుంటోంది. ఇప్పటికే విడుదలైన “గూఢచారి” టీజర్ కి మంచి స్పందన వస్తోంది. యాక్షన్ హాలీవుడ్ రేంజ్ లో ఉందని చెప్పుకొంటున్నారు. ఈ సినిమానికి ఓ ఇటాలియన్ సినిమా స్పూర్తిగా అని తెలిసింది.
ఈ స్పై థ్రిల్లర్ కు శశికిరన్ తిక్కా దర్శకుడు. ‘క్షణం’ తర్వాత అడవి శేష్ చేస్తున్న చిత్రమిది. ఈ కథని కూడా అడవి శేష్ సొంతంగా రెడీ చేసుకొన్నారు. శ్రీచరణ్ పాకాల సంగీతం. అభిషేక్ పిక్చర్స్, పీపుల్ మీడియా ఫ్యాక్టరీ, విస్టా డ్రీమ్ మర్చంట్స్ సంస్థలు సంయుక్తంగా నిర్మిస్తున్నాయి. ఆగస్ట్ 3న ‘గూఢచారి’ ప్రేక్షకుల ముందుకు తీసుకురానున్నారు.
