పవన్ తర్వాత నాని సినిమా
తమిళ సంగీత దర్శకుడు అనిరుద్ రవిచంద్రన్ టాలీవుడ్’లో గ్రాండ్ ఎంట్రీ లభించింది. ఆయన ఏకంగా పవర్ స్టార్ పవన్ కళ్యాణ్ ‘అజ్ఝాతవాసి’ సినిమాతో తెలుగు తెరకు పరిచయమయ్యారు. ఐతే, ఆ సినిమా. ఆ సినిమాకు అనిరుద్ అందించిన సంగీత ప్రేక్షకులని పెద్దగా ఆకట్టుకోలేకపోయింది. దీంతో.. అజ్ఝాతవాసి తర్వాత తెలుగు సినిమాలతో బిజీ అవతాడాని భావించిన అనిరుద్.. మళ్లీ కనిపించలేదు. త్రివిక్రమ్ తారక్ చేస్తున్న ‘అరవింద సమేత’ కోసం మొదట అనిరుద్ అనుకొన్నారు. ఐతే, ఈ సినిమాపై అజ్ఝాతవాసి బ్రాండ్ పడే ఛాన్స్ ఉందని అనిరుద్ ని పక్కనపెట్టారు. ఆయన స్థానంలో థమన్ ని తీసుకొన్నారు.
ఇప్పుడు తెలుగులో అనిరుద్ రెండో సినిమా ఫిక్సయినట్టు సమాచారమ్. ‘మళ్ళీ రావా’ ఫేమ్ గౌతమ్ తిన్ననూరి దర్శకత్వంలో నాని హీరోగా ‘జెర్సీ’ సినిమా తెరకెక్కనున్న సంగతి తెలిసిందే. క్రికెట్ కథాంశంతో తెరకెక్కనున్న చిత్రమిది. నాని ‘జెర్సీ’కి అనిరుద్ సంగీతం అందించబోతున్నట్లు వార్తలొస్తున్నాయి. ఐతే, దీనిపై చిత్రబృందం నుంచి అధికారిక ప్రకటన రావాల్సి ఉంది. ప్రస్తుతం నాని నాగ్ తో కలిసి ‘దేవదాస్’ మల్టీస్టారర్ లో నటిస్తున్నారు. ఈ సినిమా పూర్తయిన తర్వాత ‘జెర్సీ’ సినిమాని సెట్స్ మీదకు తీసుకెళ్లనున్నారు.
