లీకులపై త్రివిక్రమ్ సీరియస్ వార్నింగ్

సినిమా సెట్స్ మీద ఉండగానే లీకులకు గురవుతోంది. చిన్నా, పెద్దా సినిమాలనే తేడానే లేదు. అన్నీ సినిమాలకు లీకుల బెదడ పట్టుకొంది. ‘బాహుబలి’ లాంటి సినిమాకు ఈ లీకుల బాధ నుంచి తప్పించుకోలేకపోయింది. తాజాగా, త్రివిక్రమ్ దర్శకత్వంలో తెరకెక్కుతోన్న ‘అరవింద సమేత’ సెట్స్ నుంచి ఓ పిక్ లీకైన సంగతి తెలిసిందే. లీకైన పోటోలో ఎన్టీఆర్, నాగబాబు ఇద్దరూ గాయాలతో కనిపిస్తున్నారు. గాయాలతో ఉన్న నాగబాబుని వాహనంలో తీసుకుని వెళుతూ ఎన్టీఆర్ ఎమోషనల్ గా చూస్తున్నాడు. ఈ ఫోటో లీకుపై త్రివిక్రమ్ సీరియస్ అయినట్టు తెలిసింది. ప్రస్తుతం ప్రధాన పాత్రల కాంబోలో కీలక సన్నివేశాలని చిత్రీకరిస్తున్నారు. లీకైన పిక్ కూడా నేరుగా సెట్స్ నుంచి బయటికొచ్చినట్టు చిత్రబృందం అంచనాకు వచ్చింది.

ఈ నేపథ్యంలో త్రివిక్రమ్ చిత్రబృందానికి సీరియస్ వార్నింగ్ ఇచ్చారట. ఇకపై సెట్స్ లోకి ఎవరు మొబైల్ తీసుకురావొద్దని స్ట్రాంగ్ వార్నింగ్ ఇచ్చినట్టు సమాచారమ్. గతంలోని త్రివిక్రమ్ దర్శకత్వంలో వచ్చిన సినిమాలు ఇలాంటి లీకులకు గురయ్యాయి. పవర్ స్టార్ పవన్ కళ్యాణ్ తో త్రివిక్రమ్ చేసిన ‘అత్తారింటికి దారేది’ రిలీజ్ కు ముందే సగం సినిమా ఆన్ లైన్ లో లీకైంది. అయినా.. ఆ సినిమా సూపర్ హిట్ కావడంతో చిత్రబృందం ఊపిరి పీల్చుకొంది. ‘అజ్ఝాతవాసి’ రిలీజైన రోజు నుంచే ఆన్ లైన్ లో సందడి చేసింది. ఇప్పుడు త్రివిక్రమ్-తారక్ ల ‘అరవింద సమేత’కు ఇలాంటి సమస్యే వచ్చిపడింది. ఈ అనుభవాలని దృష్టిలో పెట్టుకొనే ఇకపై అరవింద సమేత నుంచి ఎలాంటి లీకులు లేకుండా త్రివిక్రమ్ జాగ్రత్తలు తీసుకొంటున్నట్టు తెలుస్తొంది.

ఇక, ఫ్యాక్షన్ నేపథ్యంలో అరవింద సమేత తెరకెక్కనుంది. తారక్ కు జోడీగా పూజా హెగ్డే జతకట్టనుంది. ఇందులో తారక్ రెండు షేడ్స్ ఉన్న పాత్రలో కనిపించబోతున్నాడు. యాక్షన్ హైలైట్ గా ఉంటూనే.. త్రివిక్రమ్ మార్క్ ఫ్యామిలీ ఎలిమెంట్స్ ఉండనున్నాయట. ఇప్పటికే ఈ సినిమా ప్రీ-రిలీజ్ బిజినెస్ ఓ రేంజ్ లో జరిగిపోతుందని తెలిసింది. దాదాపు రూ. 100కోట్ల ప్రీ-రిలీజ్ బిజినెస్ చేసే అవకాశాలు కనిపిస్తున్నాయి. ఈ చిత్రానికి థమన్ సంగీతం. రాథాకృష్ణ నిర్మాత. ఈ సినిమాని దసరా కానుకగా ప్రేక్షకుల ముందుకు తీసుకు రానున్నారు.