మహేష్ కు ఛాలెంజ్ విసిరిన కేటీఆర్
తెలంగాణ మంత్రి కేటీఆర్ సూపర్ స్టార్ మహేష్ బాబుకు ఛాలెంజ్ విసిరారు. ఐతే, ఇది పొలిటికల్ ఛాలెంజ్ కాదులేండీ.. ! తెలంగాణ ప్రభుత్వం ‘హరితహారం’ కార్యక్రమాన్ని ప్రతిష్టాత్మకంగా చేపట్టిన సంగతి తెలిసిందే. ఈ కార్యక్రమానికి విస్తృత ప్రచారాన్ని తీసుకొచ్చే ఉద్దేశంతో ఎంపీ కవిత ‘హరితహారం ఛాలెంజ్’ తీసుకొచ్చారు. ఈ ఛాలెంజ్ లో మూడు మొక్కలని నాటాల్సి ఉంటుంది. ఎంపీ కవిత విసిరిన హరితహారం ఛాలెంజ్ ని దర్శధీరుడు రాజమౌళి పూర్తి చేసి.. దాన్ని కేటీఆర్, పుల్లెల గోపీచంద్, సందీప్ రెడ్డి వంగా, నాగ్ అశ్విన్ లకు ఫార్వార్ట్ చేశారు.
తాజాగా, రాజమౌళి విసిరిన హరితహారం ఛాలెంజ్ ని కేటీఆర్ పూర్తి చేశారు. ఇదే ఛాలెంజ్ ని కేటీఆర్ ప్రిన్స్ మహేష్ బాబుకు విసిరాడు. ఆయనతో పాటు సచిన్ టెండూల్కర్, వీవీఎస్ లక్ష్మణ్, రాజ్ దీప్ సర్ దేశాయ్ లని కేటీఆర్ సవాల్ చేశాడు. ఒక్కొక్కరూ కనీసం మూడు మొక్కలు నాటి చూపాలని కోరారు. కేటీఆర్ చాలెంజ్ పై వీరంతా ఎలా స్పందిస్తారు ? ఎప్పుడు మొక్కులు నాటుతారన్నది ఆసక్తిగా మారింది. ఇప్పటికే సినీ, రాజకీయ ప్రముఖుల ఫిట్ నెస్ ఛాలెంజ్ వీడియోలు సోషల్ మీడియాలో హల్ చల్ చేస్తున్నాయి. ఇప్పుడు హరితహారం ఛాలెంజ్ వీడియో లు కూడా ఆ రేంజ్ ప్రచారాన్ని అందుకోనున్నాయి. ఇలాంటి మంచి ఛాలెంజ్ ని అందరు స్వీకరించాలని ఆశిద్దాం.. !
Task accomplished @ssrajamouli Garu. Planted a Rosewood, Oak & Golden champa saplings. Now I invite @urstrulyMahesh @USCGHyderabad @sachin_rt @VVSLaxman281 and @sardesairajdeep to the green challenge. Each one plant three 👍 pic.twitter.com/QJhv264Ipi
— KTR (@KTRTRS) July 27, 2018
