బిగ్ బాస్ హౌస్’లో శివ బాలాజీ !!
ఇప్పటికే బిగ్ బాస్ హౌస్’లో శివ బాలాజీని చూశాం. ఆయన హౌస్’లో ది బెస్ట్ అనిపించుకొన్నాడు. ఏకంగా బిగ్ బాస్ సీజన్ 1 టైటిల్ నే కొట్టేశాడు. ఇప్పుడు బిగ్ బాస్ 2 లో కూడా శివబాలాజీ కనిపించబోతున్నట్టు సమాచారమ్. ఐతే, కంటెస్ట్ గా కాదు. అతిథిగా హౌస్’లోకి వెళ్తాడని చెబుతున్నారు. రాను రాను షో ఆసక్తిగా మారుతోంది. సినిమా ప్రమోషన్స్ కోసం హౌస్’లోకి వెళ్లే గెస్టులు, అతిథులతో షోకి మరింత అందం వస్తోంది. దీనికి తోడు ఆ సమయంలో టీఆర్పీ రేటింగ్స్ బాగుంటున్నాయి. ఇటీవల యాంకర్ ప్రదీప్ హౌస్’లోకి గెస్ట్ గా వెళ్లొచ్చాడు. ఆ ఏపీసోడ్ టీఆర్పీ రేటింగ్స్ పెరిగాయట. ఈ నేపథ్యంలో మరికొందరిని బిగ్ బాస్ అతిథులుగా తీసుకొచ్చే ప్లాన్ లో ఉన్నట్టు తెలుస్తోంది.
ఈ క్రమంలో శివ బాలాజీని హౌస్’లో కి గెస్ట్ గా ఎంట్రీ ఇప్పించాలనే ప్రయత్నాలు జరుగుతున్నాయని చెబుతున్నారు. ఆయన అయితే బిగ్ బాస్ సీజన్ 1 అనుభావాలని ప్రేక్షకులకు గుర్తు చేయగలుగుతారు. దీనికితోడు ఇంటి సభ్యులకు విలువైన సలహాలు, సూచనలు ఇవ్వగలుగుతారని భావిస్తున్నారంట. ఇక, సీజన్ 1లో శివ బాలాజీ గెలుపు వెనక పవన్ ఫ్యాన్స్ ఉన్నారని తేలింది. పవన్ ఫ్యాన్స్ శివ బాలాజీ సపోర్టు చేశారు. ఆయన ప్రవర్తన కూడా ప్రేక్షకులని ఆకట్టుకొంది. ఫలితంగా బిగ్ బాస్ సీజన్ 1 విజేతగా నిలిచారు. మరీ.. ఈసారి బిగ్ బాస్ విజేతగా ఎవరు నిలుస్తారన్నది చూడాలి.
