విజయేంద్ర ప్రసాద్ కథతో మహేష్ సినిమా

సూపర్ స్టార్ మహేష్ కోసం రాజమౌళి తండ్రి, ప్రముఖ రచయిత విజేంద్ర ప్రసాద్ రంగంలోకి దిగినట్టు సమాచారమ్. మహేష్ కోసం ఓ అద్భుతమైన కథని రెడీ చేసే పనిలో ఉన్నాడట. ప్రస్తుతం మహేష్ వంశీపైడి పల్లి దర్శకత్వంలో తెరకెక్కుతోన్న తన 25వ సినిమాతో బిజీగా ఉన్నాడు. ఈ సినిమా తర్వాత సుకుమార్ దర్శకత్వంలో ఓ సినిమా చేయాల్సి ఉంది. ఐతే, సుకుమార్ చెప్పిన కథ మహేష్ కు నచ్చలేదని చెబుతున్నారు.

మరోవైపు, ఎరోస్ సంస్థ వరుసగా సినిమాలు చేసేందుకు ప్లాన్ చేసుకొంటోంది. ఇందులో భాగంగా విజయేంద్ర ప్రసాద్ తో కొన్ని కథని రెడీ చేయించుకుంటోంది. అందులో ఓ కథని సుకుమార్ దర్శకత్వంలో మహేష్ తో చేయాలని అనుకుంటుందట. ఇప్పటి వరకు సుకుమార్ బయటి కథలతో సినిమాలు చేయలేదు. ఆయన తన కథలని బయటివారికి అందించారు. అలాంటిది విజేంద్ర ప్రసాద్ అందించిన కథతో మహేష్ తో సినిమా చేసేందుకు సుక్కు ఒప్పుకుంటాడా.. ? అన్నది ఆసక్తిగా మారింది.

మహేష్-సుకుమార్ కలయికలో ‘వన్ – నేనొక్కడినే’ వచ్చింది. ఐతే, ఆశించిన స్థాయిలో ప్రేక్షకులని మెప్పించలేకపోయింది. అయినా.. సుక్కుపై నమ్మకంతో మరో అవకాశం ఇచ్చారు మహేష్. ఇప్పుడా అవకాశాన్ని నిలబెట్టుకోవాలి.. మహేష్ కు బ్లాక్ బస్టర్ హిట్ ఇవ్వాలనే కసితో సుక్కు ఉన్నాడు. ఐతే, మహేష్ కోసం బలమైన కథని రెడీ చేయడంలో బాగా కష్టపడుతున్నట్టు తెలుస్తోంది. మరీ.. మరో కథతోనైనా సుక్కు మహేష్ ని ఒప్పిస్తాడా.. ? లేదా విజేయేంద్ర ప్రసాద్ అందించిన కథతో సినిమా చేస్తాడా.. ?? అనేది చూడాలి.