ఇంకా.. బన్నీకే తెలియదట !
బన్నీ తదుపరి సినిమా కోసం ఆయన అభిమానులు ఆసక్తిగా ఎదురు చూస్తున్నారు. బన్నీ మాత్రం తన నెక్ట్స్ సినిమా ఏంటీ ? ఏ దర్శకుడితో ఉండబోతుంది ?? అనే విషయాలు మాత్రం చెప్పడం లేదు. ‘కొద్ది రోజులు ఓపిక పట్టండి. టైం పడుతుంది’ అంటూ ఇటీవలే ఓ ట్విట్ చేసి కామ్ అయిపోయాడు. దీంతో.. దర్శకుడు విక్రమ్ కె కుమార్ చెప్పిన కథలో బన్నీ కొన్ని మార్పులు చేమని చెప్పారు. ఇప్పుడు విక్రమ్ అదే పనిలో ఉన్నారు. దీనికి ఇంకాస్త పట్టవచ్చని అభిమానులు అనుకొంటున్నారు. మరికొందరు మాత్రం పాత కథని పక్కన పెట్టేసిన విక్రమ్.. బన్నీ కోసం కొత్త కథని రెడీ చేసే పనిలో పడ్డాడు. ఆ కథకు మసాల దట్టించమని బన్నీ సూచన కూడా చేశారని చెప్పుకొంటున్నారు. ఈ నేపథ్యంలో బన్నీ కోసం కథ రెడీ అవుతోంది. త్వరలోనే తన కొత్త సినిమాపై బన్నీ ప్రకటన చేయనున్నారని అభిమానులు ఆశపడుతున్నారు. తాజాగా, అభిమానుల ఆశలపై బన్నీ నీళ్లు చల్లారు.
ఆదివారం జరిగిన ‘గీత గోవిందం’ ఆడియో వేడుకకు బన్నీ ముఖ్య అతిథిగా హాజరయ్యారు. ఈ వేడుకలో బన్నీ ప్రసంగం ముగింపుకు రాగానే నెక్ట్స్ సినిమా ఏంటీ ?? అని అడిగారు. దీనికి ‘అది నాకు తెలిస్తే బాగుణ్ణు. టైంపడుతుంది.వెయిట్ చేయాలి’ అన్నారు. దీంతో తన నెక్ట్స్ సినిమా విషయంలో బన్నీ ఏ నిర్ణయం తీసుకోలేదు. ఏ దర్శకుడి కథని ఓకే చేయలేదనే విషయం అర్థమవుతోంది. బహుశా.. బన్నీ వెయిట్ చేయాలన్నది త్రివిక్రమ్ కోసమేనా ? అనే అనుమానాలు కలుగుతున్నాయి. తారక్ ‘అరవింద సమేత’ తర్వాత త్రివిక్రమ్ బన్నీతో ఓ సినిమా చేయబోతున్నాడనే ప్రచారం జరుగుతోంది. ఇదే నిజమైతే.. బన్నీ కొత్త సినిమా కోసం ఇంకా చాలా రోజులే వెయిట్ చేయాల్సి ఉంటుందేమో.. !
