వాళ్లిద్దరూ.. చైతూ రేంజ్’ని పెంచేశారు !!
పెళ్లి తర్వాత సమంతకే కాదు.. చైతూ కూడా కలిసొచ్చింది. ‘ప్రేమమ్’ సూపర్ హిట్ అయ్యింది. అంతకుమించి ఈ సినిమాలో చైతూ నటనకు ప్రశంసలు దక్కాయి. ‘రారండోయ్ వేడుక చూద్దాం’ సినిమాతో మరో విజయాన్ని అందుకొన్నాడు. ఆ తర్వాత వచ్చిన ‘యుద్దం శరణం’ నిరాశపరిచింది. ఐతే, ఆ లోటుని చైతూ నుంచి రాబోతున్న రెండు సినిమాలు సవ్యసాచి, శైలజా రెడ్డి అల్లుడు తీరుస్తాయని చెబుతున్నారు.
ఇందులో ‘సవ్యసాచి’ ప్రీ-రిలీజ్ బిజినెస్ ఓ రేంజ్ లో జరిగిపోయిందని సమాచారమ్. ఒక్క తెలుగు రాష్ట్రాల థియేట్రికల్ రైట్స్ రూ. 9.5కోట్లు అమ్ముడు పోయినట్టు తెలుస్తోంది. కర్ణాటక రైట్స్ కూడా మంచి రేటు దక్కిందట. రూ. కోటికి అమ్ముడుపోయాయి. ఇంకా శాటిలైట్, ఓవర్సీస్ రైట్స్ చేతిలోనే ఉన్నాయి. మొత్తంగా ‘సవ్యసాచి’ రిలీజ్ ముందే భారీ లాభాలని తీసుకొచ్చేలా కనిపిస్తున్నాడు.
ఇందులో సీనియర్ హీరోయిన్ కీలక పాత్రలో కనిపించనుంది. సీనియర్ నటుడు మాధవన్ విలన్ గా నటిస్తున్నారు. కూల్ హీరోని టెన్షన్ పెట్టే విలన్ పాత్రలో మాధవన్ నటన అద్భుతంగా ఉండనుందని చెబుతున్నారు. ‘సవ్యసాచి’ ప్రీ-రిలీజ్ బిజినెస్ ఈ రేంజ్ లో జరగడానికి భూమిక, మాధవన్ లు ఓ కారణమని ట్రేడ్ వర్గాలు చెబుతున్నాయి. థ్రిల్లర్ అంశాలతో సినిమా తీయడంలో చందూ మొండేటి దిట్ట. ఇక, ఫస్ట్ లుక్ తోనే సినిమాపై అంచనాలు పెంచేలా చేయడంలో ఆయన సక్సెస్ అయ్యారు. ఈ చిత్రంలో నాగ చైతన్య జంటగా నిధి అగర్వాల్ నటిస్తోంది. మైత్రి మూవీస్ సంస్థ నిర్మిస్తోంది.
