అసలెంత గట్టిగా వేసుకొన్నారబ్బా.. !

రౌడీ హీరో విజయ్ దేవరకొండని నెటిజర్స్ గట్టిగా వేసుకొన్నారు. రెండు రోజుల పాటు వదల్లేదు. ‘గీత గోవిందం’ కోసం విజయ్ ఓ పాటను పాడిన సంగతి తెలిసిందే. దాన్ని రిలీజ్ చేశారు కూడా. పాటలోని కొన్ని పదాలపై అభ్యంతరాలు వ్యక్తం కావడంతో… ఆ పాట యూట్యూబ్ నుంచి తొలగించారు. ఐతే, ఈ పాట, దాన్ని పాడిన విజయ్ దేవరకొండని బీభత్సమైన ట్రోల్స్ వచ్చాయి. వీటిపై ఆదివారం జరిగిన సినిమా ఆడియో ఫంక్షన్ లో విజయ్ దేవరకొండ స్పందించారు.

‘అసలెంత గట్టిగా వేసుకొన్నారబ్బా నన్ను. ఓ రెండు రోజులు గట్టిగా వేసుకొన్నారు. సంఘాలందరు మా రిలీక్ రైటర్ ని వేసుకొన్నారు. శ్రీమణి గారు అండర్ గ్రౌండ్ వెళ్లిపోయారు.. ఓ రెండ్రోజులు అని చెప్పారు. తన సాంగ్ పై వచ్చిన ట్రోల్స్ లో ఒకట్రెండు ప్లే చేసి చూపించారు కూడా. అవి చూసి అతిథిగా విచ్చేసిన అల్లు అర్జున్ తో పాటు అందరు నవ్వుల్లో మునిగిపోయారు. ప్రేక్షకులకు ఓ ఆఫర్ కూడా ఇచ్చారు విజయ్. ఈ సాంగ్ ని మీరే పాడి పంపించండి. బాగా పాడిన వారితో.. సినిమాలోనూ పాడిస్తామని తెలిపారు. విజయ్ పాడిన ‘అమెరికా గర్లైనా.. అత్తిలి గర్లైనా…. ‘ సాంగ్ ని కొత్త రిలీక్స్ మళ్లీ రిలీజ్ చేశారు.

ఈ చిత్రానికి పరశురామ్ దర్శకుడు. విజయ్ దేవరకొండ – రష్మిక మందన జతకట్టారు. గోపిసుంద‌ర్ సంగీతం. గీతాఆర్ట్స్ 2 బ్యానర్ నిర్మించింది. ఈ రొమాంటిక్ ఎంటర్ టైనర్ ని ఆగస్టు 15న ప్రేక్షకుల ముందుకు తీసుకురానున్నారు.