ఇదిగో ఆసుప‌త్రిలో క‌రుణానిధి ఇలా ఉన్నారు..!
గ‌త కొద్దిరోజులుగా త‌మిళ‌నాడుతోపాటు దేశ‌వ్యాప్తంగా డీఎంకే కురువృద్ధుడు క‌రుణానిధి అభిమానుల‌ను ఆందోళ‌న‌కు గురి చేస్తున్న అంశం ఆయ‌న ఆరోగ్యం. ఆయ‌న ఆరోగ్యం విష‌మించిందంటూ వైద్యులు ప్ర‌క‌టించిన నాటి నుంచి త‌మిళ‌నాడులోని కావేరి హాస్పిట‌ల్ ద‌గ్గ‌ర‌కు పెద్ద సంఖ్య‌లో ఆయ‌న అభిమానులు చేరుకుంటున్న సంగ‌తి తెలిసిందే. ఆసుప‌త్రి ఆవ‌ర‌ణ‌లో పోలీసులు భారీ భ‌ద్ర‌త ఏర్పాటు చేయ‌డంతో అభిమానుల్లో మ‌రింత ఆందోళ‌న మొద‌లైంది. క‌రుణానిధిని మ‌ళ్లీ చూస్తామా లేదా అనే భావ‌న కొంద‌రిలో క‌లిగింది కూడా. త‌మిళ‌నాడులో స్థానికంగా కొన్ని టీవీ ఛానెళ్ల‌లో ఇంకోలా కూడా ప్ర‌చారం చేశారు కూడా.
ఆయ‌న ఆరోగ్యం ర‌క‌ర‌కాల వార్త‌లు వ‌స్తున్న నేప‌థ్యంలో తాజాగా క‌రుణానిధి కుటుంబం ఆయ‌న ఆసుప‌త్రిలో ఉన్న ఓ ఫోటోను విడుద‌ల చేసింది. క‌రుణానిధి బెడ్ పై ప‌డుకుని ఉండ‌గా ఆయ‌న కుమారుడు స్టాలిన్ చెవిలో ఏదో చెబుతున్న‌ట్లుగా , రాహుల్ గాంధీ ఆయ‌న ద‌గ్గ‌ర నిల‌బ‌డి ఉన్న ఈ ఫోటో ఇప్పుడు సోష‌ల్ మీడియాతో పాటు త‌మిళ‌నాట మీడియాలో కూడా హ‌ల్ ఛ‌ల్ చేస్తోంది..
