ఎన్టీఆర్ సినిమా.. భారీ ఆఫర్ !
ఎన్టీఆర్ సినిమా సెట్స్ మీదకు వెళ్లిన వెంటనే హవా చూపించడం ప్రారంభించింది. మహానటుడు, తెలుగువారి ఆరాధ్య దైవం ఎన్టీఆర్ జీవిత కథ ‘ఎన్టీఆర్’ పేరిట తెరకెక్కుతోన్న సంగతి తెలిసిందే. క్రిష్ దర్శకుడు. తండ్రి ఎన్టీఆర్ పాత్రలో బాలకృష్ణ నటిస్తున్నారు. ఆయన భార్య బసవతారకం పాత్రలో బాలీవుడ్ నటి విద్యాబాలన్ కనిపించనుంది.
ఈ సినిమా థియేట్రికల్ హక్కులు సొంతం చేసుకొనేందుకు ప్రముఖ సంస్థ సోని ఫిక్చర్స్ ప్రయత్నాలు చేస్తోంది. ఇందుకోసం రూ. 80కోట్లు ఆఫర్ చేసినట్టు సమాచారమ్. ఐతే, ఈ ఆఫర్ ని బాలయ్య సున్నితంగా తిరస్కరించినట్టు తెలుస్తోంది. మొత్తం సినిమా షూటింగ్ పూర్తయిన తర్వాతే థియేట్రికల్ హక్కులని విక్రయిస్తామని చెప్పారట.
ఇటీవలే ఎన్టీఆర్ సినిమా ఫస్ట్ షెడ్యూల్ ని పూర్తి చేసుకొంది. దర్శకుడు క్రిష్ జెడ్ స్వీడుతో షూటింగ్ ని పూర్తి చేసే పనిలో ఉన్నారు. వచ్చే యేడాది సంక్రాంతి కానుకగా ‘ఎన్టీఆర్’ని ప్రేక్షకుల ముందుకు తీసుకురానున్నారు. ఐతే, నవంబర్ లోగా సినిమా షూటింగ్ పూర్తి చేసి.. ఆ తర్వాత పోస్ట్ ప్రొడక్షన్ పనులని నెమ్మదిగా పూర్తి చేయాలనే ప్లాన్ లో క్రిష్ ఉన్నట్టు తెలుస్తోంది.
‘ఎన్టీఆర్’ లో కైకాల సత్యనారాయణ, జిష్ణు, మోహన్ బాబు, ప్రకాష్ రాజు, రానా దగ్గుపాటి, కీర్తి సురేష్, రకుల్ ప్రీత్ సింగ్.. తదితరులు నటిస్తున్నారు. ఈ చిత్రానికి సంగీతం కీరవాణి. వచ్చే యేడాది సంక్రాంతి కానుకగా జనవరి 9న ఎన్ టీఆర్ ని ప్రేక్షకుల ముందుకు తీసుకురానున్నారు. ఈ సినిమా తర్వాత బాలయ్య బోయపాటి సినిమాలో నటిస్తారని తెలిసింది. ఇప్పటికే బాలయ్య సినిమా కోసం బోయపాటి కథని రెడీ చేసి ఉంచినట్టు సమాచారమ్.
